Xefe Estadu Maiór FALINTIL Forsa Defeza Timór Leste (F-FDTL), Majór Jenerál Lere Anan Timur husu ba kandidatu membru governu ne’ebé seidauk simu pose atu ajuda lider nasionál sira atu buka solusaun hodi rezolve ba impase polítika iha rai laran.
“Ha’u husu ba membru governu na’in sia ne’e atu toma konxiénsia katak labele hein de’it lider sira maka atu rezolve impase polítika ida ne’e, maibé ita mós tenke ajuda sira na’in tolu, Lú-Olo, Taur no Xanana atu solusiona”, dehan nia, iha Palasiu Prezidensiál, Bairru-Pité, horisehik.
Sira na’in sia buka solusaun la'ós sira nonook hela agora, sira na’in tolu maka iha atu halo saida sira la hatene. Ne’e la'ós primeira-vés maka sira na’in rua ka sira na’in tolu hasoru malu, maibé sira hasoru malu beibeik, maibé la ultrapasa impase polítika.
Maibé Lere fiar sira sei to’o konkluzaun, maibé agora lista foun ka lista tuan, maibé husu konxiénsia ba sira na’in sia ne’ebé hamosu disputa ba sira na’in tolu.
