Tanba ne’e nia husu ba veteranu sira no rezisténsia sira atu vizilansia matan moris neon na’in, no tilun moos, tanba ema ne’ebé la gosta hakarak sobu lideransa sira.
“Ha’u apela ba maluk veteranus sira no resisténsia sira tomak atu vizilansia, matan moos no tilun moos, tanba ema ne’ebé la gosta ita ne’e la gosta nafatin no hakarak sobu ita nia unidade ida hahú kedas iha funu laran,”dehan Lere ba jornalista sira hafoin remata enkontru semanal ho PR Lú Olo, iha Palasiu Presidensial, Ai-tarak,laran Dili (13/05).
Lere propoin atu vetertanu sira liliu lider presiza dialogu, tanba impase politika kontinua lao, ema politika sira ko’alia ibun boot no ko’alia lei tun-sae, maibé dala ruma lei laiha sentidu agora buat kiik no boot hotu hotu aplika lei.
“Ita ohin loron la rona ema seluk nia naran ita rona mak Maun boot Xanana, Taur Matan Ruak no Lú-Olo, maibé sira laos ema seluk sira mesak maun alin agora oportunista ita bele dehan timoroan, tanba saida mak tenke ba hatama hotu kanuru tohar, tanba ne’e maun boot na’in tolu nia problema ami sei tuur hamutuk no ami mak sei resolve,”afirma Lere.
