ne’ebé sei hala’o husi Parlamentu rai rua ne’e.

Ministru Negósiu Estranjeiru no Kooperasaun Bilaterál, Dionísio Babo Soares hatete, Ministra Negósiu Estranjeiru Austrália, Julie Bishop sei to’o iha Timor-Leste, iha loron 29 to’o 31.

Ministra Austrália vizita kortezia sei hasoru malu ho Primeiru Ministru, Presidente Repúblika no autoridade ekipa negosiadór fronteira marítima.

Iha enkontru ne’e sei aborada buat barak iha ne'ebá, liu-liu oinsá atu Parlamentu Nasionál rai rua ne’e bele aselera ona prosesu retifikasaun ba tratadu fronteira marítimu atu bele vigora ona.

Alende ne’e, ajenda seluk mak atu ko’alia kona-ba área edukasaun, defeza no ko’alia kona-ba oinsá atu lori timoroan sira ba servisu temporaria iha ne’ebá.

Iha fatin hanesan, Vise-Prezidente Parlamentu Nasionál, Maria Angelina Sarmento hatete, prosesu delimitasaun fronteira marítima ne'ebé ko’alia ona iha tinan kotuk.

Parte rai rua ne’e iha ona konkordánsia ne'ebé agora hanoin katak ho prezensa Ministra Negósiu Estranjeiru Austrália mai Timor fiar katak sira iha ona koordenasaun ho Timor-Leste atu bele halo andamentu ba prosesu ne’e.

“Tuir konstituisaun PN maka tenke retifika tratadu ida ne’e, maibé Parlamentu sei konsentra hela ba programa governu”, dehan nia, iha Uma Fukun PN, horisehik.

Relasiona retifikasaun ne’e, iha programa governu mós ko'alia atu aselera prosesu ne’e atu bele halo hotu hodi haree fali ba kestaun seluk ne’ebé importante ba rai rua ne’e iha área ekonomia nian.

Entretantu, Deputadu FRETILIN, Antonino Bianco hatete, programa husi bloku Aliansa Mudansa ba Progresu (AMP) durante ne’e halo promesa barak iha kampaña atu dada kadoras ka Greater Sunrise mai iha Timor.

Ho objetivu atu loke kampu servisu ba joven sira oinsá atu emprega aan hodi bele garantia dezenvolvimentu Ekonomia iha rai laran.

“Ha’u hakarak governu justifika bainhira mak Governu AMP atu dada kadoras mai iha Timor, tanba povu hein hela promesa hira ne’e”, dehan nia.

Hataan preokupasaun ne’e, Primeiru Ministru, Taur Matan Ruak hatete, investimentu ne’ebé governu halo durante ne’e fonte reseita barak liu mai husi fundu petrolíferu, tanba ne’e presiza dezenvolve kampu mina Greater Sunrise.

“Kadoras iha ha’u nia mandatu tinan lima la dada mai iha Timor ha’u hanoin iha ema seluk nia governasaun sei dada mai. Tanba ne’e, promesa ne’ebé halo ona ba povu”, dehan nia.

Iha Timor governu presiza dezenvolve setór turizmu no agrikultura, maibé ne’e fonte orsamentu barak liu mak mai husi mina no gás, tanba ne’e presiza dezenvolve duni iha rai laran.

Produsaun kampu mina Greater Sunrise ne’e dezenvolve iha rai laran presiza tebes, tanba bele emprega joven timoroan barak hodi dudu dezenvolvimentu ekonomia iha rai laran.