Xefe Governu Timor-Leste, Rui Maria de Araujo hatete problema konsiliasaun ne’e obrigatoriu.
“Hanesan ita-boot sira hotu hatene, kestaun konsiliasaun obrigatoriu, ninia kontiudu ne’e konfidensial, maibé prosesu ne’e la’o hela,” dehan Primeiru Ministru Rui ba Jornalista sira hafoin hasoru-malu ho Prezidente Republika Taur Matan Ruak iha Palasiu Prezidensial Nicolau Lobato, Aitarak Laran-Dili, Kuarta (01/02).
PM Rui informa, iha enkontru ikus liu entre TL ho Australia iha 16 to’o 20 Janeiru kotuk ba, parte rua hato’o ninia pozisaun ba komisaun konsiliasaun.
PM Rui hatutan, enkontru ba konsiliasaun ne’e sei kontinua nafatin iha fulan Marsu oin mai.
“Tantu ita viziñu na’in rua define fronteira, sira-nia to’os ne’e mós azves lori tempu naruk, sa tan ita nasaun rua, ita presiza pasensia akompañia prosesu ne’e,” dehan Rui.
