Tuir eis Presidente ne’e katak povu nia votus mak futuru nasaun nian, tanba ne’e partidu politiku sira tenki simu rejultadu husi eleisaun ne’e.

“Ohin ita vota ba elpar, fiar katak horsida kalan rona ona rejultadu provizoriu, ne’e duni parpol  se deit mak manan tenki brani hatudu sentidu estadu ho diak,”dehan Horta hafoin ezerse nia direitu vota, iha Eskola Farol, Dili, sabdu ohin.  

Aliende ne’e, Horta mós fó nia observasaun ba situasaun kampaña partidu politiku ne’ebé la’o durante fulan ida katak la’o hakmatek tebes. Nu’udar lider nia orguillu no kontente tanba Timor-Leste nia demokrasia buras liu no forte kompara ho nasaun sira seluk.

“Ha’u haree situasaun durante ne’e la’o kalma tebes, nu’udar lider ida hau senti kontente tebes,”dehan nia.