Nu’udar Presidente Repúblika orgullu boot tanba povu bele prozeta imajen Timor-Leste nian ba komunidade internasionál katak Timor-Leste mós hakuak duni pas no estabilidade. Realmente demokrasia iha Timor-Leste buras liu nasaun asean sira seluk.  

“Povu ida ne hatudu ona katak ita hotu hakarak pas no estabilidade. Ha’u fiar katak povu sei garante pas no estabilidade hodi ba vota atu nune’e hili partido politiku nebe atu forma governu no tuur iha parlamentu,”dehan Lu-Olo hafoin fó nia direitu votu, iha Eskola Primaria Filial, Farol, Dili, Sabdu ohin.

Hanesan PR, Lu-Olo dehan, naturalmente nia komprimisiu kontinua kaer metin hanesan ain povu nian sei hatoo unidade ba povu tomak.

Politikamente, nu’udar aman nasaun nian sempre prontu nafatin servisu hamutuk ho governu foun mai.

“Tinan ida ne, ha’u la kampaña, durante tinan 17 ha’u sempre la’o kampaña politiku, maibé tuir ha’u nia komprimisiu ha’u sai Presidente ba povu tomak, satán ha’u husik hela presidente partido nian ba sekretariu jerál partido FRETILIN ho membru CCF atu kontinua hala’o,”dehan nia.

Eleisaun Parlamentar tinan ida ne’e (2017), povu ne’ebé iha direitu ba vota hamutuk rihun 760.677  iha sentru votasaun ida-idaik nian iha teritoriu Timor tomak.