“Eleisaun ida ne’e importante liu maka fresh press kampaña ninia 30 dias la’o di’ak tebes-tebes ita nia povu maduru tebes-tebes iha partisipasaun liu-liu mós partidus polítikus ne’ebé durante involve iha kampaña hotu-hotu hala’o ho pas,”dehan Prezidente Parlamentu Nasionál Aderito Hugo da Costa ba jornalista sira bainhira nia remata votasaun iha Eskola Farol (22/07).

“Ita mós apresia ho instituisaun estadu sira ne’ebé kompetente hahú kedas husi STAE hanesan orgaun instituisaun tékniku nomós CNE hanesan instituisaun estadu ba halo supervizaun ninia durante periodu kampaña to’o ohin loron, ita hein katak kontruibuisaun parte hotu-hotu ninia hahú husi partidu polítiku ho institusaun estadu sira nian, orgaun leitorais sira nian bele rezulta ba final husi ne’e maka kualidade partisipasaun polítika povu ninia,”dehan Hugo.

Nia hatutan, prosesu kontazen sei liu husi apuramentu iha nivél sentru votasaun depois mai iha munisipiu to’o mai iha apuramentu nasionál depois to’o ba iha nivél ne’ebé mais altu atu halo pronunsia ultimu ba sertifikasaun ba rezultadu ne’e liu husi tribunal rekursu.

“Ita hein katak situasaun pas saudavel ba povu hotu-hotu ne’ebé hakat ba sentru votasaun ho hakmateke laiha intimidasaun, ida ne’e maka importante liu,” nia hateten.

Aderito hatete, partidu polítiku hotu ne’ebé kompete iha eleisaun ninia obrigasaun atu fó ninia programa konverse povu maibé ikus mai povu maka tenke julga.