Husi opsaun lima ne'ebé MAE hamutuk ho STAE no CNE kria ona mak atu garante eleisaun sei realiza iha territóriu laran tomak ho susesu.

Husi opsaun lima ne'ebé órgaun kompetente sira determina ona haree liu ba parte téknika nian.

“Ami iha opsaun lima opsaun téknika atu bele garante partisipasaun sidadaun hotu-hotu iha eleisaun ida ne’e”, tenik Ministru Administrasaun Estatál, Valentim Ximenes, iha Palásiu Prezidensiál, Bairru-Pité, horisehik.

Husi opsaun lima ne’e, ida maka uluk halo votasaun tuir territóriu ida-idak nian, maibé iha eleisaun ne’e governu hanoin hela atu foti opsaun balun.

Nia fó ezemplu, atu ema muda ninia rezidénsia provizoriamente ba iha sentru sira urbanu atu ema bele ba partisipa. Maibé ne’e provizoriamente de’it, depois tenke muda fali ninia kartaun ba ninia rezidénsia antiga.

Opsaun daruak, prepara karreta tula votante sira ba vota iha ninia fatin ne’ebé nia halo resenseamentu eleitorál, maibé orsamentu mínimu tebes. Tanba ne’e, seidauk bele deside kona-ba ida ne’e.

Opsaun datoluk, aumenta urna. Signifika aumenta despeza tenke rekruta tan ofisiais, aumenta seguransa, transporte, ekipamentu hotu iha sentru estasaun votu atu garante ema nia partisipasaun.

Opsaun dahaat, bainhira hakarak ema ba vota iha fatin hotu-hotu, tenke prepara fali kaixa ida atu ema bainhira mai vota husik hela sira nia kartaun iha kaixa eleisaun. Hotu tiha oras tolu hanesan ne’e maka sira foti fila-fali.

Opsaun barak ne’ebé ida, hakarak hasai opsaun di’ak liu, nune’e bele garante nafatin partisipasaun másimu husi eleitór sira.