Deputadu Mariano Assanami husu ba Presidente PN atu tuir rejimentu PN hodi halo dialogu tuir prinsipiu proporsionaisdade hodi involve Deputadu opozisaun ida ba vise presidente PN no Vise sekretariu meja ida.
Assanami hatete, tempu kampaña remata ona agora ne’e atu konsentra oinsa atu dezevolve povu nia moris tanba ne’e tenke entende malu hodi servisu hamutuk.
"Ha’u husu ba Presidente PN atu tuir rejimentu PN nia tuir prinsipiu proporsioalidade atu nune’e partidu hotu hotu iha reprejetantivu iha PN,"dehan Assanami.
Opozisaun ezijé atu loke dialogu ho AMP atu nune’e hatama mós opozisaun nia ema ba estrutura mesa ne’e maibé infelismente AMP rekuza. Tanba ne’e atu tama ba eleisaun deputadu opozisaun FRETILIN-PD-FDD deside walk out husi PN hodi la tuir votasaun.
Deputadu FRETILIN hamutuk 23, deputadu PD 3 no FDD deputadu 1 hamutuk deputadu 27 mak walk out husi sala plenaria. Etretantu ba bankada PD Deputadu Assanami no Deputada Elvina la sai husi sala plenaria maibé rekuza lakohi tuir votasaun.
Maske opozisaun maioria walk out maibé eleisaun kontinua ho nune’e rezultadu eleisaun hamutuk 36 kontra 0 abstensaun 0.
Tanba ne’e deputadu Luis Robertu no Maria Angelina Lopes Sarmentu eleitu sai vise presidente PN, Maria Terezina (CNRT) sai sekretaria mesa, Vise sekretaria. Isabel Ximenes (FDD) no Regina Freitas (PLP) eleitu sai estrutura meja PN ba periodu tinan lima oin mai.
