Tribunal Distrita Dili (TDD) liu husi audensia julgamentu aplika pena prizaun no suspensaun ba arguidu na’in tolu ne’ebé komete krime imputa trafiku droga no konsumu droga.
Iha sala audensia Juiza ne’ebé kaer prosesu hatete, arguidu Edy Dino Lonis ne’ebé sai autór ba transaksaun droga hetan pena prizaun tinan 4.
Ba arguidu Arifin no Olandino Xavier, TDD aplika pena prizaun fulan tolu (3) suspende ba tinan tolu (3).
TDD foti desizaun ne’e, tanba arguidu Arifin no Olandino ba sosa iha arguidu Edy hafoin fa’an fali.
Audensia julgamentu ne’e prezide husi Juiz Koletivu, Juiza Zulmira Auxiliadora, José Escorial, no José Quintas. Ministériu Públiku reprezenta husi Prokuradora Lidia Soares, no arguidu hetan asistensia legal husi Advogadu Privadu João Ndun ho Julio Perreira.
