MP hato’o hanoin ne’e tanba arguidu la marka prezensa iha Tribunal hodi tuir prosesu julgamentu.

Ministériu Públiku husu ba Tribunál atu halo notifikasaun ba arguidu no halo mandadu kapturasaun tanba arguidu la fó informasaun ba MP molok muda ninia hela fatin. Afinal, arguidu hetan ona Termu Identidade Rezidensia (TIR).

Iha sala audensia, Juiz Prezidente Ivan Suritay hatete, adiamentu kazu ne’e tanba arguidu la marka audensia ba julgamentu.

“Tribunál labele halo julgamentu tanba arguidu muda nia fatin laiha informasaun ba Ministériu Públiku,” dehan Juiz Prezidente, Tersa (14/02).

Iha fatin hanesan, Defensór Públiku husu ba Tribunál tenke halo karta notifikasaun ba arguidu nune’e nia bele mai tuir julgamentu.

Ho ida ne’e, TDD deside hodi adia audensia julgamentu ba kazu violasaun seksual ba loron 20 Juñu 2017.