×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 430

MSS Identifika Uma-kain ho Rendimentu $400 Asesu Bolsa da Mãe Featured

By Maiu 10, 2017 3483
Edifisiu sentral MSS iha Dili Edifisiu sentral MSS iha Dili

DILI: Ministériu Solidariedade Sosial (MSS) identifika katak uma-kain balun ne’ebé asesu bolsa da mãe daudauk ne’e ninia rendimentu sa’e ona, balun hetan rendimentu $200 no balun hetan rendimentu $400 kada fulan.

Uma-kain hirak ne’e asesu ba bolsa da mãe tanba molok ne’e sira-nia rendimentu kiik. Tan ne’e, MSS halo hela prosesu reajustamentu hodi bele hasai uma-kain hirak ne’ebé nia rendimentu as ona.

“Ita komesa redus balun ona tanba balun nia rendimentu ne’e bele fó ona moris ba ema uma-laran. Iha fulan ida balun nia rendimentu to’o $200, balun $400, (tan ne’e) labele asesu ba bolsa da mãe,” informa Diretór Nasionál Asistensia Sosial-MSS, Mateus da Silva ba jornalista sira hafoin partisipa iha enkontru ho defisiente sira iha sede Asosiasaun Defisiente Timor-Leste (ADTL), Maskariñas-Dili, Tersa (09/05).

Tuir dadus, Mateus dehan, dezde inisiu total uma-kain ne’ebé asesu ba bolsa da mãe hamutuk 501.490. Iha tinan 2016, MSS halo reajustamentu dadus no redus númeru ne’e ba 501.200.

Ba tinan ne’e, nia dehan, MSS kontinua halo prosesu reajustamentu hodi bele hatene númeru loloos uma-kain ne’ebé asesu bolsa da mãe.

“Agora halo hela reajustamentu dadus no halo rejistu foun, tan ne’e seidauk bele hatene aumenta ka hamenus,” katak nia.

Iha Orsamentu Jeral Estadu 2017, Diretór ne’e dehan, MSS aloka orsamentu hamutuk tokon $9.900 ba bolsa da mãe.

Iha oportunidade ne’e, Manuel dehan, tuir dadus defisiente ne’ebé hetan asesu ba bolsa da mãe hamutuk 100 resin.

MSS, nia hatutan, serbisu hamutuk ho ADTL hodi identifika defisiente ne’ebé seidauk asesu ba bolsa da mãe atu bele asesu.

“Sira ne’ebé hetan bolsa da mãe ne’e hahú husi ensinu pre-eskolar to’o sekundaria, bainhira liu ona idade tinan 17 ne’e responsablidade inan-aman nian (la hetan ona bolsa da mãe),” esplika Mateus.

Rate this item
(1 Vote)
Last modified on Kuarta, 10 Maiu 2017 15:35

Independente Digital TV