Avaliasaun ba PEDN hetan aprovasaun, hafoin iha loron 10 Janeiru 2017 liubá Gabinete Primeiru Ministru hato’o ba KM hodi halo diskusaun kle’an.
Primeiru Ministru Rui Maria de Araújo informa katak, liu hosi aprovasaun ne’e governu bele haree roteiru hosi reforma regulamentasaun tuir programa iha Timor-Leste.
Entretantu Konsellu Ministru mós diskute aprezentasaun polítika ajuda esterna.
Parte seluk, KM aprova dekretu lei kriasaun ANTIL nian, no aprova mós dekretu governu ba akizisaun veíkulu hosi membru governu.
KM aprova mós dekretu lei rejime inskrisaun no obrigasaun Kontributiva iha ámbitu rejime Kontributivu Seguransa Sosiál, dekretu li: 2ª alterasaun ba dekretu lei n.39/2015, de 4 de Novembru (orgânica do Ministério do Comércio, Indústria e Ambiente)
Ikus liu maka aprova dekretu governu nian ba prosedimentu klasifikasaun área protegidas, no rezolusaun governu ba polítika nasionál turizmu.
Sekretáriu Estadu Konsellu Ministru (SEKM), Avelino Coelho hatutan, KM aprova simu mós aprezentasaun hosi Ministériu Estadu Koordenadór Asuntu Ekonomia no Ministru Agrikultura no Peskas kona-ba polítika TL atu sai membru ASEAN.
