Iha prosesu dada riva ne’ebé hala’o ho transparénsia ne’e ekipa Daia rekolla envelope hamutuk rihun 15 hosi totál ema na’in rihun 15 iha territóriu Timor-Leste ne’ebé hatama plástiku mamuk Daia falun 10 no Daia kilu ida ba envelope laran hodi tau naran kompletu, númeru eleitorál no númeru telefone hodi tuir sorteiu.
Manan na'in sira ne’ebé hetan prémiu espesiál maka hanesan, Aleixo da Silva (Lautem) ho númeru eleitorál, 00611460 ho númeru telemovel (78073283) hetan motór Yamaha N-MAX ida, segundu, Abílio Mendonça Cardoso ho númeru eleitorál, 0528388 no telemovel, (78039647) hetan motór New Honda Beat ida, no tarseiru, Maria Assunção Dirce ho númeru Bilete Identidade (BI), 06050115088690716, númeru telefone (77369455) hetan motór, New Honda Beat ida.
Manan na'in ba jeleira 3 mak hanesan, Sofia Lip (Lautem), Xisto da Costa, (Canosa Dili) no Lucitania Df (Dili).
Entretantu ema na'in 8 ne’ebé hetan prémiu Vintuna ain maka, Xisto André Ximenes da Costa, Francisco Conceição Xavier, Maria do Rosário Costa, Abel Soares, Celestino Rosa Fernandes, Felismina Araújo, Lúcia Anita da Conceição no Alcina Correia.
Aleixo da Silva manan na'in ba motór Yamaha N-MAX ne’ebé hela iha Bairupite Dili, dehan nia la espera atu hetan motór, tanba ema rihun 15 maka tuir serteiu.
Nia sente orgullu tebes no hato’o agradese bainhira partisipa programa dada riva ne’ebé Daia halo ho transparénsia no loke ba públiku asiste hotu.
“Ha’u sente kontente tebes-tebes, tanba ha’u dezde inisiu mai hatama sorteiu too agora la espera katak, ha’u mak atu sai manan na’in hodi hetan prémiu motór ne’e,” dehan Aleixo ho kontente ba jornalista iha salaun JDS Kuluhun Dili, Kuarta (01/03).
Aleixo dehan, prémiu ne’e hanesan milagre ida ne’ebé nia ho família sira hetan, tanba iha fulan Novembru 2015 bainhira Daia fó sai avizu ne’e nia rasik ho família koko hatama Daia mamuk plástiku 10 hodi tuir sorteiu.
Nia dehan, durante ne’e iha sira nia familia uma laran uza produ Daia hodi fase ropa, no sasán seluk tanba Daia iha kualidade no moris bainhira fase ropa no sasán fo'er.
Ho prémiu ne’e, nia hato’o agradese ba ekipa Daia no JDS ne’ebé realiza programa sorteiru ho di’ak no kapás tebes.
Nune’e mós, Manan na'in ba Jeleira, Xisto da Costa hato’o agradese ba prémiu ne’ebé nia hetan hosi Daia.
Xisto dehan, kualidade produtu Daia iha kualidade di’ak bainhira fase ropa moos no moris tebes.
Entretantu, Xefe Koordenadór Daia Timor-Leste no Reprezentante PT WINGS Surya, Herman Sutjahjo Tandiono, hato’o agradese tebes ba povu Timor-Leste hamutuk ema rihun 15 ne’ebé hatama envolve hodi tuir sorteiu.
Nia dehan, programa sorteiu ne’e Daia realiza nu’udar parte ida atu hametin liután konfiansa kliente Timoroan tomak fó fiar no uza produtu Daia.
“Sorteiu ne’e nu’udar parte ida atu hala’o atu fó agradese ba kliente Timoroan tomak ne’ebé fó fiar ba ami hodi uza ami nia produtu Daia,” tenik nia.
Nia dehan, mezmu prémiu ne’e ladún boot, maibé sira realiza hodi hametin liutan konfiansa ba públiku Timor ba sira nia produtu.
Ekipa Daia sente kontes tebes, dezde hahú loke sorteiu iha 15 Novembru 2016 no taka iha Fevereiru 2017 kaixa surteiu 150 ho totál ema rihun 15 maka partisipa.
“Ami agradese tebes sorteiu ne’e loke iha Timor laran tomak, ema rihun 15 maka partisipa,” dehan Herman.
Herman dehan, ba oin sira sei sei realiza programa ne’e ho produtu seluk, tanba sira realiza ona sorteiu ba Mie Sedap no Daia no produtu seluk seluk seidauk.
Produtu hotu ne’ebé durante ne’e sira fa’an maka hanesan, hahán no minuman ale-ale, sabaun nuvo, mama lemon, no sampo oin-oin, kafé no produtu seluk tan.
