“Ita haree kandidatu forte maka, Lu-Olo no António maka sei kompete makas atu sai prezidente,” dehan Eis Prezidente Repúblika, José Ramos Horta ba jornalista iha JL-Vila, Kinta (16/03).

Horta dehan, haree hosi esperiénsia no matenek, Lu-Olo no António inklui José Luis Guterres iha kapasidade hanesan. Ne’e duni, atu deside se maka sai prezidente, Horta dehan forsa boot liu maka desizaun povu nian vota ba kaixa de podér ka kaixa ukun.

Horta dehan, mezmu Xanana iha vizaun apoiu Lu-Olo ba prezidente, maibé povu tenke deside sira nia aan atu hili mós kandidatu ne’ebé sira fiar liu.

“Maun Xanana hili kandidatu Lu-Olo, maibé povu mós tenke hili ida ne’ebé di’ak liu no matenek no ninia kualidade garantia ba pás ba estabilidade no unidade nasionál, dehan Horta.

Horta dahan, nia koñese di’ak Lu-Olo ema di’ak umildade, ladún ko’alia barak, gerrilleiru tinan 24 iha esperiénsia sai prezidente PN no estuda ona hasai kursu direitu.

Nune’e mós António nu’udar jerasaun foun iha mós kualidade hanesan atu ukun nasaun ne’e ho matenek ne’ebé Kalohan iha.

“Maun Lu-Lo no António Kaluhan  mós matenek no sira naia rua estuda makas,” tenik Horta.

Nune’e mós ba Kandidatu José Luis Guterres mós nu’udar lider ne’ebé matenek no iha esperiénsia hanesan.