Domingu, 18 Agostu 2019 | Login
Hafoin Fulan Ida, Familia Foin Ba Foti Mate Isin HNGV

Hafoin Fulan Ida, Familia Foin Ba Foti Mate Isin HNGV

DILI: Familia sira ba foti ona mate isin, Duarte Silva (52) ne’ebé mate no rai durante fulan ida resin iha mortuariu Hospital Nasional Guido Valadares (HNGV).

Matebian ne’e mate iha fulan ida liu ba, hafoin sai hosi ninia hela fatin  iha Postu Administrativu, Maubisi mai Dili maka mate.

Tuir alin hosi familia matebian, Andre de Araújo informa katak, durante fulan ida ona sira buka tuir matebian iha Maubise, Dili no Turiskai la hetan, hafoin media fó sai avizu mak sira foin hatene no ba foti mate isin iha ospital.

  “Ami mós buka tuir matebian iha família sira Dili laran maibé la konsege hetan too rona avizu iha media mai ami mai foti mate isin ne’e iha ospital,” dehan Andre ba jornalista iha HNGV, Sesta (6/01).

Nia dehan, durante fulan tolu matebian la besik nia knua ne’ebé fofoun familia sira mós buka iha familia sira iha Dili laran no iha turiskai maibé rezultadu ikus maka foin rona husi media katak matebian laiha ona.

Nia dehan,matebian  ne’e moras mental no kleur ona husik malu ho nia feen kaben no nia oan na’in 7 no na’in rua mate.

Read 459 times
Rate this item
(0 votes)