Domingu, 18 Agostu 2019 | Login
Traballador sira iha Koreia do Sul Traballador sira iha Koreia do Sul

Laiha Rotasaun ba Traballadór Servisu iha Koreia Súl Featured

DILI: Traballadór sira ne’ebé atu ba servisu iha Koreia Súl durante ne’e laiha sistema rotasaun.

Traballadór sira ne’ebé hetan ona oportunidade ba uluk halo servisu no bainhira sira nia kontratu remata fila mai Timor, bele tuir fali konkursu hodi ba servisu fila-fali iha Koreia.

Maski nune’e, sira ne’ebé atu ba servisu iha Koreia Súl tenke prienxe rekizitu ne’ebé determina ona.

Diretór Jerál Sekretáriu Estadu Polítika Formasaun no Profisionál Empregu (SEPFOPE), Paulo Alves hateten, selesaun traballadór atu ba Koreia, tenke ema timoroan, idade husi 17 to’o 39, hatene lian Koreia no iha saúde di’ak.

Rekizitu hirak ne’e sai hanesan kritériu ne’ebé importante tebes hodi bele ba servisu iha Koreia Súl.

Husi kritériu ne’e, sira tenke tuir formasaun lian ninia Koreia ninia durante fulan neen (6) to’o tinan ida depois tuir ezame bainhira liu maka ba Koreia Súl.

Ba Koreia Súl ne’e ba tinan tolu to’o tinan lima de’it depois tinan tolu to’o tinan lima sira fila mai iha Timor.

Sira fila-fali mai Timor ne’e iha alternativa rua, bainhira sira servisu di’ak nunka muda servisu sira bele hetan vistu husi espesiál komitatór no la presiza tan tuir ezame sira bele fila fali tama de’it.

“Sira ne’ebé maka la prienxe kritériu sira tenke tuir fali ezame la presiza tuir kursu laiha problema. Sira bele tuir fila ezame bainhira pasa fila-fali ba Koreia Súl, maibé kuandu la pasa bele tuir fila fali ezame to’o liu,” dehan Paulo, iha servisu fatin, Kaikoli, horisehik.

Nia dehan, sira ne’ebé komete ilegál, lei la fó dalan ba sira fila-fali durante tinan lima nia laran. Depois tinan lima hotu sira halo fali prosesu foun sira bele tuir fila fali ezame hodi ba fali servisu iha Koreia Súl.

“Ida ne’e maka prosesu ka kritériu selesaun ba Koreia Súl nian maka ita estabelese durante dezde ita asina akordu to’o agora”, tenik nia.

Nia hatutan, teste agora halo kada fulan neen to’o tinan ida, tinan ne’e sei halo iha fulan Juñu nia laran. Kandidatu traballadór sira barak liu husi Munisípiu Dili, Baukau, Lautem, Manufahi no Covalima. Kandidatu sira ne’ebé atu tuir teste hamutuk rihun ida-resin. 

Read 1550 times
Rate this item
(1 Vote)
MidAd1