×

Atenção

JUser: :_load: Não foi possível carregar usuário com ID: 430

Estudante iha Indonézia Selebra Loron Mate Konis Santana

By KI Marsu 15, 2017 1624
Estudante sira iha Indonesia Estudante sira iha Indonesia

DILI:  Estudante Timoroan lubuk iha Indonézia forma komisaun hodi realiza eventu desportu amizade hodi selebra loron mate Saudozu Komandante Nino Konis Santana 1998 iha Mertutu-Ermera.

Eventu jogu futsal Nino Konis Santana Cup ne’e, realiza iha loron sesta (10/03) too sábadu (11/03)  iha Kampu Desportu Surabaya- Indonézia.

Jogu amizade iha selebrasaun loron importante Komandate Konis ne’e hetan  partisipasaun másimu husi estudante Timoroan iha Jogja, Surabaya no hetan mós partisipasaun husi organizasaun estudante sira iha Surabaya no Bandung.

Jogu amizade ne’e halo ho ojetivu halibur estudante hodi reflete hikas fali ba Saudozu Nino Konis Santana nia luta tomak ba prosesu ukun rasik an nian.

“Eventu ne’e sai hanesan mós lisaun ba estudante hotu atu  nune’e bele rekoñese liu tan TL nia eroi sira ne’ebé luta too  husik nia vida tomak ba rai doben TL,” dehan Portavós Estudante Dede Savio liu hosi karta komunikadu ne’ebé INDEPENDENTE  asesu, Tersa (14/03).

Dede Savio espera katak, ho eventu ne’e bele hasae espíritu nasionalizmu ba sidadaun tomak liu-liu estudante sira hotu atu bele hatutan tan mehi husi ita nia eroi sira ne'ebé mate no lakon ba liberdade rai ida ne'e.

Atividade selebrasaun nian maka ho atividade joga futsal Nino Konis Santana Cup, nomoos iha eventu boot maka organiza serimónia misa agradesimentu no loke filmajen saudozu nian ba estudante sira.

Nune'e mós iha Timor rasik, família saudozu hamutuk ho estudante no maluk ativista sira organiza malu hodi ba kari aifunan iha Rate Saudozu Konis Santana nian iha Jardín dos Herois da Pátria Metinaru hodi hanoin hikas historia moris saudozu nian durante luta ba ukun rasik aan.(

Rate this item
(0 votes)

Independente Digital TV