Komandu Operasaun Nasionál PNTL, Superintendente Xefe, Henrique da Costa dehan,  nia dehan, relatóriu hosi komandu Unidade Polisia Fronteira (UPF) relata ba Komandu PNTL nunka mosu problema ruma.

UPF mós halo kooperasaun no koordenasaun metin ho autoridade seguransa Tentara Nasionál Indonézia (TNI) hodi idak-idak asegura seguransa iha fronteira nasaun rua.

“Hafoin ita liu tiha eleisaun prezidensiál to’o agora situasaun fronteira nian kontinua normál ho kontroladu, tanba iha komunikasaun husi ita nia UPF inklui ita maluk sira husi TNI ho POLRI,” dehan Henrique ba Jornalista iha Kuartél PNTL Kaikoli Dili, Kuarta (29/3)

UFP sei kontinua aperta liután seguransa hodi hametin nafatin pás no dame iha fronteira sira.

UEP Apoiu Seguransa

Nia hatutan, durante eleisaun, komandu koloka mós Unidade Polisia Espesiál ba munisípiu sira hodi halo seguransa makas iha fatin sira ne’ebé deskonfia bele mosu problema.

Tuir nia katak, too agora sira nia parte sei kontinua hametin nafatin eleisaun too kampaña parlamentár no eleisaun iha fulan oin.