FRETILIN Prontu Sai Opozisaun Featured

By INDEPENDENTE Maiu 25, 2018 1593
Alkatiri Alkatiri

DILI:FRETILIN liu husi Sekretáriu Jerál, Mari Alkatiri afirma, prontu sai opozisaun hodi halo balansu ba VIII Governu Konstitusionál ne'ebé sei lidera husi entre Xanana Gusmão no Taur Matan Ruak.

FRETILIN prontu sai opozisaun ne'ebé forte… atu halo redús despeza no fiskaliza ministériu ida hodi garante boa governasaun. Korrupsaun se iha ba hasoru justisa,” dehan nia, iha Palásiu Prezidensiál Bairru-Pité, horisehik.

Nia esplika, ko’alia konsensu tenke buka iha parlamentu, maibé balun iha opozisaun no balun tenke iha governu. Polítika FRETILIN dezde uluk kedan saida maka interese Estadu ka interese nasionál tenke buka konsensu.

Maibé seidauk iha sinál ruma ba konsensu nasionál tanba ida-idak halo hela polítika interna”, tenik nia.

AMP buka atu forma governu, FRETILIN iha situasaun ida di’ak liu no laiha problema. Atu forma governu dala ruma telefone mai husi sorin-sorin, maibé agora sente kmaan ona laiha tan ulun moras. 

Rate this item
(0 votes)

Independente Digital TV