Sábadu, 07 Dezembru 2019 | Login
Prezidente Bankada FRETILIN, Aniceto Guterres Prezidente Bankada FRETILIN, Aniceto Guterres

FRETILIN Husu Kalbuadi Koopera ho Justisa Featured

DILI: Partidu opozisaun FRETILIN husu ba atuál Sekretáriu Jerál partidu CNRT no eis-Ministru Turizmu (MT), Francisco Kalbuadi Lay, atu koopera ho parte justisa.

Prezidente Bankada FRETILIN, Aniceto Guterres hateten, sidadaun hotu-hotu tenke kumpre lei, maibé autór justisa sira mós tenke hatuur lei tuir ninia dalan.

Hanesan deputadu sira, tuir loloos tenke haruka ba Parlamentu Nasionál atu bele hasai ninia imunidade labele hasai direta mandadu kapturasaun ba ema ne’e.

“Francisco Kalbuadi Lay ne’e nia-deputadu tenke la’o tuir nia prosedimentu, atu halo kapturasaun tenke iha autorizasaun husi husi Parlamentu Nasionál,” dehan Aniceto, iha Uma Fukun PN, horisehik.

Tuir nia, bainhira laiha levantamentu pelumenus husi autorizasaun husi Parlamentu Nasionál tanba ne’e prosedimentu. Ne’ebé ko’alia lei hanesan ne’e.

“Ita mós hein katak autór justisa sira mós tenke aplika lei ho loloos la’o tuir nia regra, la’o tuir nia prosedimentu”, tenik Aniceto.

Antes ne’e, Prezidente Bankada CNRT, Duarte Nunes hateten, Francisco Kalbuadi Lay baixa hela iha ospitál Singapura.

Foin lalais ne’e ba cheek up saúde iha Singapura hodi haree fali rezultadu operasaun ne’ebé halo antes ne’e, maibé médiku sira sujere atu bele baixa.

“Médiku sira husu atu nia baixa. Tanba ne’e sei kontinua halo observasaun ba ninia saúde”, dehan Duarte.

Nune’e, tuir nia, ospitál mós haruka ona karta koñesimentu ba Tribunál relasiona ho situasaun Kalbuadi nian.

Tuir planu, eis-Ministru Turizmu ne’e sei fila fali mai Timor-Leste iha fulan-Fevereiru nia laran.  

Read 3189 times
Rate this item
(0 votes)
MidAd1