ASSANAMI : Luro Oan Tenke Vota PD Featured

By Jullu 12, 2017 1148
Presidente PD ASSANAMI hatudu nia manu-aman ba militante sira Presidente PD ASSANAMI hatudu nia manu-aman ba militante sira

LURO: Prezidente Partidu Demokrátiku Mariano Assanami Sabino nu’udar mós Luru-oan husu ba Luru-oan sira atu hili númeru 13 ou Vota ba PD, atu lori dezenvolvimentu ba povu iha munisípiu 12 inklui rejiaun Oekusi.

“Imi la hili ha’u di'ak liu imi nega ha’u katak ha’u la’ós imi nia oan ”,  dehan Assanami iha komísiu polítika kampaña iha Postu administrasaun Luru Munisípiu Lautem, Segunda (10/07).

Tanba, nia dehan, programa PD hakarak halo mudansa  ba postu antigu Luru no dezenvolve timor laran tomak hodi fó moris dignu ba povu  no hasai povu husi kiak no mukit.

Assanami dehan, Inan –Aman no maun –alin jerasaun foun sira bele tama partidu seluk hodi harii bandeira ho kor oin-oin iha uma oin, maibé vota de’it ba 13 ou PD.

“Ba imi (Povu Luru) ha’u la iha tolera tanba ha’u  imi nia ona se imi la vota ha’u di'ak liu imi lalika bolu ha’u imi nia oan ”,  tenik Assanami.

Tanba ne’e,  nia husu makas ba povu Luru atu kontinua organiza malu molok  manu kokoreek jerasaun PD nian tenke tama ona husi uma ida ba uma seluk para husu votu ba PD.

“Imi tenke ba fuma sigarru ho ema,hemu kafé ho ema no matabixu ho ema para atu sira vota ba PD atu kaer ukun iha 2017 to’o 2022”, lider PD ne’e sujere.

 

 

 

Rate this item
(0 votes)

Independente Digital TV