Alkatiri Husu Politiku Sira La Interfere Servisu STAE no CNE Featured

By Jullu 22, 2017 1362
Alkatiri ezerse nia votu iha eleisaun parlamentar, sabdu ohin iha Eskola Primaria Filial Farol, Dili Alkatiri ezerse nia votu iha eleisaun parlamentar, sabdu ohin iha Eskola Primaria Filial Farol, Dili

DILI:Sekretáriu Jerál partido FRETILIN, Mari Alkatiri husu ba Sekretariadu Tékniku Administrasaun Eleitoral (STAE) no Comisaun Nasional ba Eleisaun (CNE) atu hala’o servisu ho professionál.

Alkatiri mós husu ba politiku sira atu labele interfere servisu STAE no CNE nian. Tanba nia fiar katak enkuantu hotu-hotu la’o ho professionál Vitoria sei iha partido FRETILIN nia liman.

“Ha’u bele hatete, ha’u atu husu de’it ba CNE atu servisu ho professionál. Husu mós ba politiku sira atu labele interfere servisu ba STAE  no CNE nian, se ida mak la akontese ne’e Vitoria ha’u nia liman,”dehan Alkatiri hafoin ezerse nia direitu votu iha Eskola Filial Farol, Dili.

Lider istoriku ne’e fó serteja katak FRETILIN sei manan, tanba FRETILIN organizadu husi kraik too leten.

“ Ami la presiza opiniaun, ami hatene katak ami manan,”.

Nu’udar fundadór nasaun Timor-Leste,  Alkatiri fó parabens ba lider sira no povu tomak tanba hala’o prosesu demokrasia ho di’ak tebes.

Nia mós hatoo lia-menon ba partidu politiku sira se de’it mak eleitu tenki tenki fó apoiu atu rai ne la’o di’ak.

Rate this item
(0 votes)

Independente Digital TV