Kinta, 02 Abril 2020 | Login
Eis Primeiru Ministru Xanana Gusmao ho eis Ministra Finansas, Emilia Pires Eis Primeiru Ministru Xanana Gusmao ho eis Ministra Finansas, Emilia Pires

Xanana Defende Liu Emília Duke Veteranu Featured

DILI: Karta aberta ne’ebé Kay Rala Xanana Gusmão halo hamosu deskontentamentu husi públiku. Tanba hatudu pozisaun ida hodi defende ema kriminoza ida.

Durante ema barak ba ona Tribunál, inklui veteranu sira hanesan Mari Alkatiri, Taur Matan Ruak, Lere Anan Timur, Falur rate Laek, Mau-Buti no veteranu sira seluk, maibé Xanana Gusmão nunka hatudu pozisaun hodi defende.

Situasaun oin-seluk akontese ba Emília Pires, Eis-Ministra Finansas. Maun Boot Xanana Gusmão, halo karta aberta hodi defende ema ne’ebé hetan akuzasaun husi Tribunál envolve kazu korrupsaun.

“Maun la defende sira hanesan ohin maun defende Emília,” dehan Primeira Dama, Isabel Ferreira, iha Palasiu Governu, horisehik.

Nia dehan, tribunál akuza Mari Alkatiri, maun la defende dehan sira luta ba rai ida ne’e halo buat barak ba rai ida ne’e. Nusa mak tau Emília espesiál. Tanba ne’e, hanesan ativista no ema ne’ebé formadu iha tempu Indoneziza sente triste ba deklarasaun ne’e.

“Se karik Maun Xanana la konkorda ho desizaun Tribunál Distritál Dili (TDD), tanba ne’e mak haruka karta aberta hodi defende eis Ministra Finansas, Emília Pires,” tenik nia.

Hakarak atu defende Emília Pires tuir loloos la’ós liu husi dalan halo karta aberta hodi minimiza fali Tribunál sira, liuliu servisu Juis, Prokuradór no Defensór sira.

Aleinde ne’e, Isabel realsa, hanesan sidadaun no ativista direitu umanu sente triste uitoan ho karta Xanana nian, tanba halo intervensaun indiretamente ba servisu judisiáriu sira nian.

“Ita hotu iha lei nia okos. Ita hotu tenke hakru'uk ba Lei. Lei la haree nia Prezidente, Lei la haree nia funu na'in ka saida? Lei trata hotu-hotu hanesan,” afirma Isabel.

Nia dehan, agora ne’e tempu ukun-aan, la’ós ona tempu rezisténsia nian ne’ebé buat hotu tuir Xanana Gusmão ninia hakarak.

Lalika Hakfodak ho Karta Aberta

Organizasaun naun governamentál sira husu ba Tribunál atu lalika hakfodak ho karta aberta ne’ebé mai husi Xanana Gusmão ka Emília Pires.

Servisu kuandu tuir duni lei ne’ebé ida lalika atu hakfodak. Nune’e, lalika halo tratamentu espesiál ba ema ida.

“Ita la presiza konsidera ho karta aberta ne’e,” tenik nia.

Maibé imposivel atu lori kazu ne'ebé akontese iha nasaun ida ba halo fali julgamentu iha nasaun seluk hanesan saida mak arguida Emília nia hakarak. Tanba ne’e Emília mak tenke kumpre hodi koopera ho Estadu no TDD.

Tanba kazu Emília tuir loloos Tribunál la presiza duvida atu hasai desizaun loloos bele deside tuir kódigu penál.

Read 3456 times Last modified on Tersa, 31 Janeiru 2017 17:21
Rate this item
(0 votes)
MidAd1