“Ha’u rona de’it husi media sira maibé ofisialmente to’o agora ha’u seidauk simu karta ruma husi koligasaun foun ne’ebé dehan katak forma ona entre partidu polítiku sira hamutuk ho CNRT,” dehan PR Lú Olo hafoin partisipa konferensia nasionál KAK iha salaun Ministériu Finansas Aitarak Laran, Segunda (24/02).
PR Lu Olo kontinua husu ba partidu politiku sira atu buka malu hodi rezolve impase polítika ne'ebé TL hasoru dadauk.
“Ha’u hatete tiha ona, agora halo nusa, tanba ne’e mak ha’u hatete ba dehan katak partidu polítiku sira ba buka malu, la esklui nem partidu ida,” hatete Lú Olo.
Nia dehan, hotu-hotu tenke buka malu ho ulun malirin hafoin aprezenta ba PR Lú Olo.
