Master Plan ba Aeroportu Komoro Konklui Ona, Haluan ba Kilometru 3 Featured

By Janeiru 16, 2020 3103
Vise Ministru Parlamentares, Negosiu Estranjeiru Japaun Nakayama Norihiro hamutuk ho Ministru Transporte no Komunikasaun José Agostinho da Silva, reprezentante Ajensia JICA iha Timor Leste no na’in husi empreza ne’ebé sei konstrui terminal Fery observa fatin konstrusaun, Portu Dili, Kuarta (15/01). FOTO: INDEPENDENTE/Jonio da Costa. Vise Ministru Parlamentares, Negosiu Estranjeiru Japaun Nakayama Norihiro hamutuk ho Ministru Transporte no Komunikasaun José Agostinho da Silva, reprezentante Ajensia JICA iha Timor Leste no na’in husi empreza ne’ebé sei konstrui terminal Fery observa fatin konstrusaun, Portu Dili, Kuarta (15/01). FOTO: INDEPENDENTE/Jonio da Costa.

DILI: Governu Aliansa Maioria Parlamentar (AMP) ne’ebé lidera husi Primeiru Ministru Taur Matan Ruak konklui ona master plan ba aeroportu internasional Nicolau Lobato Komoro. Tuir planu aeroportu ne’e sei haluan ba kilometru tolu (3).

Ministru Trasporte no Telekomunikasaun (MTK) José Agostinho informa, daudauk ne’e master plan ba aeroportu Komoro remata ona no hein ba faze implementasaun.

“Master plane ba aeroportu internasional Nicolau Lobato konklui no aprova ona iha Konselu Ministru ne’ebé oras ne’e dadaun teknika sira la’o hela atu aselera prosesu ne’e,” dehan Ministru José iha Parlamentu Nasionál, Kuarta (15/01).

Nia informa, tuir master plane aeroportu Komoro sei kobre kilometru tolu (3), tan ne’e tuir planu sei loke luan ba tasi no iha posibilidade atu bele hakat liu mota.

“Familia balun sei afetadu tanba fatin ne’e atu reabilita, komunidade barak mak sei okupa nune’e governu hakarak halo dezenvolvimentu sei ko’alia ho sira atu bele koopera,” dehan nia.

Kona-ba implementasaun projetu refere, Ministru ne’e hataan, impmenetasaun seidauk serteza loloos tanba hakarak la’o neneik hodi bele iha rezultadu ne’ebé di’ak. Japaun Apoiu Millaun $44.

Iha fatin ketak, Vise Ministru Parlamentar, Negosiu Estranjeiru Japaun Nakayama Norihiro hatete, governu Japaun sei apoiu konstrusaun aeroportu internasionál Nicolau Lobato.

“Goveru Japaun sei apoiu konstrusaun aeroportu maibé sei iha limitasaun tanba ne’e orsamentu to’o de’it $44 miloens,” informa nia iha palasiu Prezidensial, Bairro-pite, Kuarta (15/01).

Norihiro hatutan, iha sorumutu ho Primeiru Ministru Taur Matan Ruak no Prezidente Repúblika Francisco Guterres Lu Olo temi mós kona-ba finansiamentu no orsamentu ba konstrusaun aeroportu Komoro ho montante millaun $44.

“Japaun sei haree posibilidade ida ne’e,” dehan Horihiro.

Rate this item
(1 Vote)

Independente Digital TV