Tuir nia, atu sai opozisaun ka tama iha governu KHUNTO nia interese mak oinsa atu dezenvolve Timor Leste.
“Ha’u fiar katak atu opozisaun ka forma governu naran katak ita hotu-hotu kuda interese nasionál hodi hadia dezenvolvimentu rai laran, ne’e importante,” katak nia.
Entretantu, Deputadu Bankada PLP Sabino Soares ‘Guntur’ hatete, atu forma governu foun ka mantein governu ne’e depende ba Prezidente Repúblika.
“Ami partidu kiik nunka mais bolu partidu boot, pur ezemplu iha Timor ne’e partidu boot mak CNRT ho FRETILIN,” nia dehan.
Tanba, nia hatutan, ulum mós CNRT mak konvida PLP ho KHUNTO.
“Prosesu agora la’o, ne’ebé karik (governu foun) ida ne’e mak akontese kompetensia segundu mais votadu nia liman”.
“Ami partidu kiik la buka partidu boot, partidu boot mak buka partidu kiik sira oinsa bele asegura sistema governativa ida ne’e,” katak nia.
