Tersa, 10 Dezembru 2019 | Login
Ilustrasaun foto baku malu entre grupu membru artemarsiais Ilustrasaun foto baku malu entre grupu membru artemarsiais

Lú Olo Hakarak Re-ativa GAM Featured

DILI:Prezidente Repúblika Francisco Guterres Lú Olo husu ba Parlamentu Nasionál no Governu atu kria lei ba reativasaun grupu artemarsiais nu’udar organizasaun desportiva.

Relasiona ho kazu violénsia ne’ebé akontese dadaun ne’ebé envolve membru grupu arte marsiais, Prezidente Repúblika husu atu labele estraga malu no kontribui ba dezenvolvimentu nasaun.

Prezidente Repúblika afirma, problema ne’ebé akontese hosi ema individuál mak halo, la’ós grupu artemarsiais mak halo.

Prezidente Repúblika nu’udar Komandante Supremu Forsa Militares informa ona ba Ministru Defesa Filomeno Paixão, Komandante PNTL, Maijór-Jenerál F-FDTL Lere Anan Timur, kona-ba oinsá atu reativa atividade artemarsiais sai hanesan desportu ida.

“Agora importante mak Governu no Parlamentu halo lei para bele reativa fila-fali, atu nune’e sira hamrik hanesan organizasaun desportiva ida, hodi partisipa iha vida desportiva iha ita-nia nasaun no bele partisipa iha kompetisaun internasionál ka rejionál. Ita bele fó valór ba sira-nia talentu ne’ebé iha liuhosi jogu artemarsiais,”Prezidente Repúblika, hateten ba jornalista, sesta, iha Palacio Nobre Lahane, Dili.

Tuir rezolusaun Governu númeru 16/2013 hodi taka arte-marsiais tolu,Persaudaraan Setia Hati Terate(PSHT),Ikatan Kera SaktiTimor Leste (IKS-TL) ho Kmanek Oan Rai Klaran (KORK).


Read 1201 times
Rate this item
(0 votes)

About Author