Keta Haluha! Determina Futuru Nasaun iha Loron 12 Maiu Featured

Sentru votasaun iha eleiesaun jeral 2017 Sentru votasaun iha eleiesaun jeral 2017

DILI:Propaganda eleitorál remata ona, agora povu Timor-Leste hotu-hotu ne’ebé to’o tinan 17 tenke preparadu ba votasaun hodi hili sira nia reprezentante povu, nune’e bele lori dezenvolvimentu ba nasaun ne’e iha tinan lima mai.

Xefe Estadu Maiór Jenerál F-FDTL, Majór Jenerál Lere Anan Timur hateten, loron 12 Maiu mak sei determina. Ne’e duni, husu ba partidu polítiku hotu-hotu atu ho fuan boot hodi simu rezultadu.

“Eleisaun mai ne’e ida sempre lakon no ida manan, maibé hotu-hotu timoroan tenke hanoin komum, hanoin ida de’it, lalika halo problema. Sé maka manan ukun ho responsabilidade atu bele lori nasaun ne’e ba oin. Sé maka lakon mós faze parte ita-nia Estadu, apoiu malu atu lori nasaun ne’e ba oin”, tenik nia.

Tuir nia, kestaun importante maka konsensu entre lider istóriku sira. Ne’e duni, sira tenke iha espíritu unidade nasionál ne’ebé halo ona durante tinan 24 tempu rezisténsia nian.

Lere afirma, Xanana, Taur, Ramós Horta, no Alkatiri, ne’e figura nasionál ne’ebé uluk lori nasaun ne’e ba ukun aan, maibé agora povu komesa haree sira nia-programa ne’ebé aprezenta hodi dezenvolve nasaun ne’e. 

Rate this item
(0 votes)

Independente Digital TV