×

Atenção

JUser: :_load: Não foi possível carregar usuário com ID: 424

Impede Servisu Jornalista, SEKOMS Husu Lori Ba Tribunál Featured

By Abril 24, 2017 1990
Nelio Isaac Sarmento Nelio Isaac Sarmento

DILI : Sekretáriu Estadu Komunikasaun Sosiál (SEKOMS), Nelio Isac Sarmento husu atu lori ema ne’ebé impede servisu jornalista ba tribunál la'ós publika de'it liu husi média komunikasaun.

Fó keixa ba Ministériu Públiku no Tribunál, Nia dehan, tanba impede , baku  no estraga Ekipamentu jornalista profisionalizmu ne’e krime kontra lei komunikasaun  sosiál.

“Se imi (Jornalista) iha kampu hetan violasaun ema foti imi nia sasan ou ema baku, tantu autoridade militár ou sivíl aprezenta kazu ba konsellu imprensa  no Ministériu Públiku atu prosesa iha tribunál”, Dehan nia iha kna’ar fatin ,Sesta (21/04).

Governante ne’e husu atu jornalista timor-oan tenke implementa lei komunikasaun sosiál artigu 285  atu públiku bele respeita servisu jornalista sira.

Formasaun ba Jornalista

Sekretáriu Estadu ne’e fó rekomendasaun ba governasaun foun atu kontinua nafatin fó kapasitasaun ba jornalista  iha área dezmina informasaun hodi bele reforsa instituisaun estadu iha área komunikasaun sosiál.

Iha V-VI governu fó atensaun makas iha setór komunikasaun sosiál iha área  sentru formasaun jornalizmu hodi fó formasaun ba jornalista sira.

“ Ita rekomenda ba governu atu estabelese sentru formasaun jornalizmu ba timor oan sira no kria lembaga komunikasaun atu fasilita informasaun ba públiku”, dehan nia.

Rate this item
(0 votes)

Independente Digital TV