Sexta, 10 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Eis Primeiru Ministru, Jose Ramos Horta ho Primeiru Ministru Rui Maria de Araujo Eis Primeiru Ministru, Jose Ramos Horta ho Primeiru Ministru Rui Maria de Araujo

Horta Louva PM Rui Susesu Featured

DILI: Remodelasaun V ba VI Governu Konstitusionál ne’ebé lider husi Primeiru Ministru Rui Maria de Araújo, konsege rezolve problema nasaun nian balun-balun.

Rezultadu servisu ne’e hetan louva husi Eis Primeiru Ministru, José Ramos Horta. Tuir nia, iha tinan rua nia laran governu maski ho difikuldade maibé konsege la’o ho di'ak.

“Kolaborasaun maun Xanana nian inklui kolaborasaun membru Governu hotu ha'u hanoin esforsu ho rezultadu ida ne’ebé di'ak,” dehan nia, Iha Novo Turizmu, Lesidere-Dili, horisehik.

Eis Prezidente Repúblika dehan, maski lidera governu tinan rua, maibé edukasaun ho saúde sempre la’o di'ak, alende ne’e área barak maka seidauk rezolvidu ne’e normál, tanba estadu foun ne’ebé foin hamriik tinan 15 nia laran.

Nia dehan, maski governu ne’e la'ós FRETILIN, maibé CNRT hala’o servisu ho ekilíbriu ho diplomátiku tanba ema hotu envolve iha governu ne’e.

“Ha'u fó parabeins ba PM Rui ne’ebé simu servisu todan ne’ebé difikuldade barak maka konsege hakat liu,” tenik Horta.

Relasiona ho setór balun ne’ebé seidauk rezolve, eis Prezidente Repúblika fó atensaun ba governu tenke tau tane aas setór saúde no edukasaun.

Nia reforsa, Governu tenke esforsu makaas hodi rezolve setór saúde, tanba daudaun ne’e saúde sei problema boot iha estadu ne’e, presiza investe makaas iha setór saúde atu povu hotu bele hadook-aan husi moras aat sira.

Premiadu Nobel Pás informa, presiza kria mekanizmu di'ak hodi rezolve fasilidade sira liuliu ba médiku ho doutór espesialista sira atu sira nia servisu mós bele la'o ho profisionál.

Read 648 times Last modified on Tersa, 21 Fevereiru 2017 10:03
Rate this item
(0 votes)

About Author

MidAd1