Sexta, 10 Jullu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-07-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
CNRT CNRT

CNRT: KHUNTO-PD Halai sai Tanba Hakarak Poder Featured

DILI:  Partidu CNRT ne’ebé lidera husi Kay Rala Xanana Gusmão hanesan lakon liu tan kbiit. Hafoin KHUNTO “halai sai” husi koligasaun foun ne’ebé forma, Partidu Demokratiku (PD) mós “halai tuir”.

Iha 27 Maiu 2020, mosu karta husi PD ho númeru referensia 28/V/PD/2020 ne’ebé asina husi Prezidente PD Mariano Assanami Sabino iha media sosial.

Iha karta ne’e, maske PD la deklara direitamente retira husi koligasaun AMP foun maibé, PD hatete katak sira sei apoiu kualker governu ne’ebé eziste. Deklarasaun ida ne’e halo CNRT nia “laran moras” liu tan.

Ho nune’e, Vise Xefe Bankada CNRT, Patrocínio dos Reis Fernandes hatete, KHUNTO ho PD halo traisaun ba koligasaun AMP foun.

“Ha’u dehan politikamente konjuntura foun, tanba iha dinamika politika buat sira ne’e hotu, tanba see mak kontribui depois la prienxe fali Maioria Parlamentar, ne’e propriu partidu rua (KHUNTO no PD) rasik mak halo traisaun ba koligasaun, tanba ne’e ita atu kolia saida, propriu partidu rua ne’e mak halo traisaun ne’e mak la prienxe, ne’ebé sira atu argumentu fali dehan la prienxe ne’e halo nusa,” dehan nia hodi hatan ba deklarasaun PD ne’ebé hatete AMP foun la priense ona maioria parlamentar.

Tuir nia, PD mós deside sai husi AMP tanba opsaun politika no konjuntura politika foun.

“Ema hotu-hotu hakarak poder, buat ne’e hotu, ne’e laiha problema. Maibé haree husi lei partidu politika no bazeia ba orientasaun Prezidente Repúblika ninia, tanba ne’e  koligasaun entermus juridiku sei vingula”.

“Tanba ne’e, hanesan respostas mós ne’ebé mak Partidu CNRT fó ba KHUNTO, tanba koligasaun hahú konferensia tuir lei Partidu politika ninian, depois atu sai pelumenus konferensia, iha desizaun ruma ne’ebé iha orgaun deliberativu partidu ninian. Kuantu mais Partidu Demokratiku, Partidu ida demokratiku nia rasik la valoriza tiha ona valores demokratiku sira ne’ebé iha Partidu laran,” dehan nia.

Deputadu ne’e lamenta uitoan tanba konsidera Prezidente PD rasik mak invalida tiha desizaun konferensias ninian.

Read 1004 times
Rate this item
(0 votes)