“Hanesan partidu kiik rua (KHUNTO no PD) hanesan traisaun ida ba iha koligasaun momentu lidera husi maun boot Xanana, ha’u hanoin ida ne’e ladun relevante ba iha politika ne’ebé agora dadauk akontese,”dehan nia, kinta ohin (28/5).

Ba hanoin ema balun katak PD ho KHUNTO halai ba-mai de’it, Luis dehan, ida ne’e tanba partidu boot rua, CNRT ho FRETILIN, la kria kondisaun di’ak.

“Husu ba partidu boot rua ne’e par kria kondisaun, maibé kuandu partidu boot mak la kria kondiasaun di’ak, entaun partidu kiik sira halai tun-sa’e”.

“Lalika fó todan ba partidu kiik sira, aman sira mós presiza halo reflesaun ba sira nia an, labele fó todan ba kiik-oan, kiik-oan sira orsida sai tiha fali catur par muda ba muda mai, ne’e mós labele. Husu aman sira kria kondiasaun, kria kondisaun par kiik-oan sira labele book aan,” dehan nia.