×

Atenção

JUser: :_load: Não foi possível carregar usuário com ID: 430

Tribunál Rekursu Vistu ona Projetu ba Hyundai Featured

By Martinha Gusmao Agostu 02, 2017 1120
Tribunal Rekursu Tribunal Rekursu

DILI: Tribunál Rekursu hatún ona desizaun hodi fó vistu ba konstrusaun projetu Suai Supply Base (SSB), Suai ne’ebé governu Timor-Leste kontrata ho kompañia koreanu, Hyundai.

Hyundai Engineering and Construction nu’udar kompañia husi Koreia Súl ne’ebé manan konkursu ba projetu tasi mane ho valór orsamentu tokon $719, hasoru problema ho Tribunál Kámara de Kontas.

Primeira instánsia kámara kontas nian identifika prosesu kontratu ne’ebé governu liu husi Ministériu Petróleu Rekursu no Minarais halo ho Hyundai mosu irregularidade, tanba konsidera viola lei aprovizionamentu.

Ne’e duni, Governu hato’o rekursu hodi kontra desizaun Tribunál Kámara Kontas nian.

Maski nune’e, iha loron 18 Jullu 2017 liubá, Plenáriu Tribunál Rekursu foti desizaun hodi fó vistu ba konstrusaun projetu ne’e.

“Plenária Tribunál deside katak fó vistu. Ida ne’e mak Tribunál Rekursu nia desizaun”, dehan nia iha servisu fatin, Kaikoli-Dili, horisehik.

Presidente Tribunál Rekursu, Deolindo dos Santos hatete, kazu Hiunday nian ne’e kazu ne’ebé prosesu kámara kontas nian, ne’ebé tribunál rekursu mak hasai desizaun iha nivel primeira distánsia ho juis na'in tolu.  

Rate this item
(0 votes)
Last modified on Kuarta, 02 Agostu 2017 10:08

Independente Digital TV