Relasiona ho kazu ne’e, Tribunál Rekursu identifika kondenadu ne’e envolve iha kazu krime administrasaun danoza ne’ebé prevista iha previstu iha artigu 274 Kódigu Penál Timor-Leste nian.

Nune’e, Tribunál Rekursu mós husu ba Ministériu Públiku atu bele halo prosesu foun ba prejuizu Estadu nian liu husi Kontensiozu Estadu.

Tribunál husu ba kondenadu atu selu mós kustu judisiál nian hamutuk $100.

Antes ne’e, iha fin tinan 2015, Tribunál Distritál Suai, kondena ona eis-membru governu ne’e ho pena prizaun tinan 12, tanba halo krime ekonómika haat.

Akordaun ne’e foti tanba hamosu irregularidade ba iha projetu estrada ne’ebé hala’o iha Munisípiu Bobonaru.

Domingos Caeiro, ne’ebé halo parte iha IV Governu Konstitusionál, no lidera hosi Xanana Gusmão, simu kastigu tanba krime abuzu podér, administrasaun danoza, ha-falsu dokumentu no halo partisipasaun ekonómika iha negósiu.

Antes ne’e, eis-membru governu ne’ebé tama ona prizaun mak eis-ministru Edukasaun, João Câncio Freitas, ho pena prizaun tinan haat (4) fulan neen (6), inklui selu indenizasaun tokon ida dolar amerikanu kona-ba kazu projetu Televizaun Edukasaun.