Sexta, 28 Fevereiru 2020 | Login
Venenu iha Restaurante Venenu iha Restaurante

Na’in Restaurante Food L-Do Entrega-Aan Featured

DILI: Hafoin subar durante semana hirak nia laran, ikus mai na’in ba restaurante Food L-Do, Paul Steven Do,ne’ebé deskonfia fó venenu ba ninia traballadora, Judite da Costa Silva, entrega ba Polisia Nasionál Timor-Leste (PNTL).

Segundu Komandante PNTL Munisípiu Dili, Superintendente Asistente Euclides Belo hateten, PNTL liu husi seksaun investigasaun bolu ona Paul ho nia espoza Rita, inklui jerente timoroan nian ida hodi presta informasaun ba polisia.

Nia dehan, sira simu delegasaun husi Ministériu Públiku (MP) hodi rekomenda ba PNTL hodi halo investigasaun ba kazu ne’e.

Progresu ba kazu ne’e rasik entrega ba ona ba MP, maibe PNTL rasik kontinua hein feedback husi MP atu fó kompeténsia hodi aselera kazu ne’e rasik.

Nia konta, na’in ba restaurante ne’e rasik durante ne’e subar aan iha rezidénsia Fatuhada no atividade negósiu rasik paradu tanba matebian rasik hakotu iis iha restaurante laran.

Nia dehan, bainhira desizaun husi PNTL hatún na’in ba restaurante rasik kolabora aan hodi presta deklarasaun ba polisia.

Bazeia ba prosedimentu kriminál labele konsidera restaurante na'in ne’e suspeitu, maibé konsidera sasin ba kazu ne’e, sasin na’in tolu ne’e entrega-aan ba polisia iha semana kotuk, foin lalais ne’e.

“Sasin ne’e la'ós ema seluk, maibé na'in ba restaurante Food L- Do, ne'ebé patraun ho nia espoza, inklui manajer na’in ida”, dehan Euclides, iha Komandu PNTL Munisípiu Dili, Sesta (28/4).

Komandante ne’e husu ba família hodi koopera di’ak liután ho PNTL ne'ebé iha informasaun ruma bele hato’o ba PNTL hodi aselera lalais kazu ne’e. 

Read 1044 times
Rate this item
(0 votes)

About Author

MidAd1