×

Atenção

JUser: :_load: Não foi possível carregar usuário com ID: 430

JSMP: Prosesu ba Kazu Emilia La’o Tuir Lei

By Fevereiru 08, 2017 1406
JSMP iha Timor-Leste JSMP iha Timor-Leste

DILI: Desizaun ba kazu Emilia Pires hamosu diskusaun no pro-kontra ne’ebé seidauk hotu. Ema idaidak mosu ho ninia interpretasaun. Lideransa balun to’o hamosu lia-fuan katak desizaun ne’e hanesan jogada ida.

Ba kestaun ne’e, Diretór Programa Monitorizasaun Sistema Judisiariu (JSMP), Luis de Oliveira Sampaio hato’o ninia pozisaun kontra.

Nia dehan, ba kazu Emilia Pires no Madalena Hanjam dezde inisiu JSPM halo ona monitorizasaun.

“Politiku sira halo konkluzaun ida sem akompaña prosesu ne’e besik. Buat sira ne’e JSPM akompaña, tanba ami akompaña kazu hot-hotu inklui mós kazu Emilia Pires nian husi inisiu to’o desizaun final,” dehan Diretór Luis ba jornalista sira iha knar-fatin, Kolmera-Dili, Tersa (07/02).

Durante akompaña, nia dehan, JSMP avallia katak prosesu ne’e la’o tuir mekanismu hothotu ne’ebé mak lei dehan, inklui aportunidade atu aprezenta evidensia durante produsaun prova, inklui atu hetan advogadu ne’ebé kualifakadu husi li’ur.

“Ne’e buat hothotu posivel tuir lei. Tribunál sira fó. Tanba ne’e, ami la kondorda se karik politiku-nain sira kondena prosesu ne’ebé mak nakonu ho mafiozu ka ema sira ne’ebé mak julga ne’e hanesan mafia, la justu, tanba ita la hetan indisiu ruma katak ida ne’e akontese,” hateten Luis.

Molok ne’e, Deputadu CNRT konsidera juis sira halo jogada no ‘atake’ katak akordaun juis sira nian ema seluk mak hakerek.

Deputadu Bankada CNRT, Arão Noe de Jesus hateten, akordaun ne’e rasik hakerek ho pájina 100 ho lian portugés.

Deputadu ne’e deskonfia akordaun ne’e la'ós juis na’in tolu iha tribunál mak hakerek, maibé ema seluk mak hakerek no juis sira ne’e lee de’it.

“Juis na’in tolu ne’e mak hakerek (akordaun)? Ha’u la fiar? Ha’u fiar katak ema ruma hakerek husi li'ur depois haruka mai mak lee de'it,” dehan nia, iha Uma Fukun PN, horisehik.

Nia dehan respeitu separasaun podér no interdependénsia tribunál, maibé kuandu desizaun sai ona ema hotu-hotu iha koñesimentu se haree didi'ak akordaun ne’e buat barak mak la loos.

Tanba ne’e, Xanana Gusmão hasai karta aberta ba Emília no fó sai ba públiku, tanba kestiona desizaun sira ne’e.

Tuir nia, Emília Pires la merese atu simu pena prizaun tinan hitu, tanba laiha evidénsia ruma ne'ebé hatudu katak Emília halakon ka hariku-aan ho osan estadu.

Rate this item
(0 votes)

Independente Digital TV