×

Atenção

JUser: :_load: Não foi possível carregar usuário com ID: 430

Ema Deskoñesidu Oho João iha Uma Aluga

By Fevereiru 09, 2017 2161
Ilustrasaun oho ema Ilustrasaun oho ema

DILI: Iha Segunda (6/2) foin lalais, ema deskoñesidu oho João José da Silva iha uma aluga (kos) iha area Bidau Mota-Klaran.

João ne’ebé nudar pesoal Seguransa Guardamor ne’e mate tanba hetan sona iha parte kanuruk no baku ho besi-kanu.

Tuir kronolojia husi membru PNTL ne’ebé lakohi fó indentidade katak, iha Domingu (5/2) kalan matebian ho nia fen-kiik toba hela iha uma aluga, no iha Segunda dader bainhira fila husi serbisu, nia fen kiik hakfodak tanba hetan matebian latan hela iha rai la ho is.

“Baihira nia fen-kík ne’e fila husi serbisu ba sira-nia kos matebian ne’e mate ona, latan hela iha rai,” dehan membru PNTL ne’e ba jornalista sra, Kuarta (8/2)

Hafoin hetan mate-isin, nia fen-kiik tanis no hakilar ba nia maluk segurasa sira hodi kontatu ba Polisia.

Matebian durante ne’e hala’o serbisu iha Hospital Nasionál Guido Valadares. Matebian nia fen-boot ho oan na’in haat dadaun ne’e hela iha Postu Administrativo Laga, Munispiu Baukau.

Mate-isin sei rai hela iha HNGV hodi hala’o otopsia. Tuir planu seremonia misa funebre sei halo iha kapela Bidau no matebian sei hakoi iha Laga. 

Rate this item
(0 votes)

Independente Digital TV