Baku Feen Tanba Osan $ 185 Saturnino Hataan Iha TDD

By Fevereiru 20, 2017 1568
Ilustrasaun Laen baku feen Ilustrasaun Laen baku feen

DILI: Arguidu Saturnino Correia Ribeiro tenke Hataan iha  Tribunál Distritál Dili (TDD) tanba  baku nia fen Asnat Maria dos Santos ho razaun  husu osan $ 185 ba nia alin la fo hatene.

Tuir akuzasaun husi Ministériu Públiku, ne'ebe Tribunál Distritál Dili  lee sai katak, iha loron 25 Agusto tinan 2013 tuku 1:00 meudia iha Golgota Comoro, lezada ba foti osan   iha nia alin  Emy la fó hatene ba arguidu.

Tanba ne’e mak   arguidu  Telefoni  ba Emy   husu osan, maibé Emy dehan lezada mai foti ona osan $185.

Ho ida ne’e Emy Telefoni ba lezada dehan arguidu telefoni hau husu osan maibe’ hau dehan lezada mai foti ona.

Ho ida ne’e  mak  arguidu fila ba  uma  husu ba lezada dehan tanba saida  mak o husu osan ba Emy la fó hatene hau.

Arguidu nervozu hodi tolok  lezada, rona ne’e lezada tama ba kuartu laran atu hadia roupa,  arguidu tama tuir tuku lezada iha nia kutuk laran dala ida, tuku iha rentos, tebe  no tuku  tan iha ibun  to’o bubu no metan.

Tanba ne’e mak MP akuza arguidu sai hanesan autór material ba krime agresaun fisiku integradu ofensas simples tuir artigu 145 kodigu Penal Timor –Leste.

Rona tiha akuzasaun ne’e arguidu mos deklara ba Tribunál katak, faktus ne’e balu los no balu sala,baku tebe no tuku ne’e la iha.

“Iha momentu ne’e ha’u basa deit tanba  lezada ba foti osan $185   iha nia alin Emy maibé  la fó hatene ha’u tanba osan ne’e atu ba hadia Telefoni. Tanba ne’e mak hau bása nia hasan dala rua  mak  nia  ulun kona arus odamatan ninian,” dehan arguidu ba Tribunál iha sala audénsia.

Motivu ba problema ne’e lezada ba foti osan la fó hatene tanba ne’e arguidu nervozu hodi baku.

Iha fatin hanesan lezada Asnat Maria mos informa ba Tribunál katak,iha momentu ne’ebá arguidu baku  tanba osan.

“Ha’u ba foti osan,  ha’u la fó hatene nia  tanba osan sira ne’e hau atu  fila liman, nia baku hau primeiru tuku iha ibun, depois tuku iha  ulun to’o ran, tuku iha matan parte sorin karuk no tebe dala ida iha kotuk laran,” hatete lezada ba Tribunál.

Entretantu Fernando da Costa Gomes nudar sasin ba arguidu Saturnino ne’ebe’  involve krime Violensia Domestika dehan, iha altura ne’eba arguidu ho lezada baku malu tanba ne’e nia sori maibé to’o iha ne’eba lezada nia ulun ran ona.

“Nudar zivinu ha’u rona  sira nain rua baku malu mak hau ba sori maibé arguidu ba baku iha saida ha’u la hatene,”dehan sasin.

Rona tiha deklarasaun  husi parte tolu ne’e, Tribunál husu ba Ministériu Públiku atu halo  alegasaun.

Liu husi alegasaun, MP husu ba Tribunál atu aplika pena prizaun tinan ida(1) fulan ne’en (6) suspende ba tinan tolu (3).

Alende ne’e Defensór Públiku husu ba Tribunál atu fó pena ne’ebe’  justu tanba arguidu mos arepende nia sala iha futuru  sei la halo tan.

Ba kazu ne’e Tribunál adia fali ba loron 6 Marsu  2017 tuku 11:00 OTL deder hodi rona desizaun.

Iha audensia julgamentu ne’e prezide husi juis singular Zulmira Auxiliadora, Ministériu Públiku reprezenta husi Prokuradór Osório de Deus, arguidu hetan asistensia legal husi defensór Públiku Olga Barreto.

Rate this item
(1 Vote)

Independente Digital TV