Tersa, 26 Marsu 2019 | Login
inistra Finansas interinu (MF), Sara Lobo Brites. FOTO: doc inistra Finansas interinu (MF), Sara Lobo Brites. FOTO: doc

MF sei Koordena Transferénsia Osan Ba ConocoPhillips-Shell Featured

DILI: Tempu badak Ministériu Finansas sei koordena Banku Sentrál Timor-Leste (BCTL) no Timor GAP halo halo transferénsia orsamentu tokon $650 hodi selu asaun ConocoPhillips ho Shell.

Ministra Finansas interinu (MF), Sara Lobo Brites, deklara ba Primeiru Ministru kona-ba karteira investimentu ba operasaun petrolíferu nian, ne’ebé Ministériu Finansas sei koordena ho Banku Sentrál no Timor GAP kona-ba pagamentu sosa asaun kompañia rua nian.

“Ami sei koordena ho BCTL no Timor GAP oinsá efetua transferénsia orsamentu ba ConocoPhillips ho Shell nian”, dehan nia, iha Palásiu Governu, horisehik.

Tanba ne’e, governu sei foti direta orsamentu fundu petrolíferu tuir montante ne’ebé determina ona hodi selu asaun tuir akordu ne’ebé halo ona.

Nune’e, Xefe Governu mós orienta Ministra Finansas atu partisipa plenária iha Parlamentu Nasionál kona-ba maneira transferénsia orsamentu ba empreza rua ne’e.

Sara dehan, tuir kalendáriu ne’ebé Ministériu Finansas impoin, iha 18 Marsu 2019, Governu hahú efetua transferénsia orsamentu ne’ebé foti husi Fundu Petrolíferu ho montante tokon $650 ba empreza esploradór rua ne’e.

Ne’e duni, prosesu la’o MF sei autoriza BCTL bele transfere ona osan ne’e, agora daudaun osan iha BCTL sufisiente hela atu halo transferénsia ba Timor GAP hodi ba halo pagamentu Shell no ConocoPhillips.

Antes ne’e, Ministru Reformasaun Lejizlativa no Asuntu Parlamentár (MRLAP), Fidelis Magalhães hateten, iha tempu badak Governu sei informa mai iha PN kona-ba intensaun atu hahú husu ba Banku Sentrál atu prosesa ona transferénsia osan tokon $650 hodi sosa asoens ConocoPhillips no Shell.

Lei ida kuandu vigora hela nia ezekusaun labele adia, lei ne’e la vale bainhira lei foun altera nia, tanba ne’e prosesu ba husu fiskalizasaun abstrata ne’e prosesu husik la’o depois mak sira hetan resposta husi tribunál.

Hataan ba ida ne’e, Bankada FRETILIN deklara, bainhira TR sei delibera kona-ba rekursu ne’e, mezmu lei vigora hela, maibé hotu-hotu tenke hein antes halo prosesu levantamentu ruma.

Fó tempu loron 30 ba TR atu halo desizaun hafoin bele ezekuta, la’ós koko atu foti osan lalais tanba de’it ta’uk desizaun ne’e bele la favorese ba Governu.

Bainhira governu obriga aan foti osan ba selu asaun mak to’o ikus TR deside LAP ne’e inkonstitusionalidade, signifika lei ne’e rasik nulu tenke fila-fali ba lei anteriór.

Read 382 times
Rate this item
(0 votes)