Hélder dehan, governu rasik simu ona informasaun hosi kompañia sira ne’ebé instala data center no monta ekipamentu oin-oin iha edifísiu foun ne’e dehan, tama fulan Fevereiru halo remata, signifika katak, Marsu sira hahú servisu iha edifísiu foun.

“Data deatline ne’ebé ita fó sira ne’e fin Fevereiru ne’e bele remata ona,” dehan Hélder ba Jornalista iha Ministériu Finansas, horisehik.

Nia hatutan, edifísiu foun ne’e seidauk utiliza tanba sei kompleta asesoria sira ne’ebé presiza atu bele kompleta tanba ne’e ministériu sei hein to’o kompletu hafoin muda.

Vice MF hatutan, bainhira servisu kompañia sira ne’e instala hotu ona ekipamentu, governu tenke muda.

Hélder rekoñese prosesu servisu la’o tarde, tanba kompañia sira hasoru problema tékniku lubuk ida.