Ministru Estadu Koordenador Asuntu Ekonomia no Ministru Agrikultura no Peskas, Eng. Estanislau Aleixo da Silva halo lansamentu ba programa kuda ai-oan iha Halioan.
“Ai-oan mahoni ne’ebé mak ha’u kuda ne’e laos ba ami sira agora katuas ho ferik sira ne’e maibé, kuda hela ba jerasaun foun ne’ebé mak agora dadaun moris tuir mai ne’e,” deklara Ministru Estanislau, Kinta (26/01).
Ministru husu ba komunidade sira tenke kuida ai-oan ne’ebé kuda nune’e bele moris ho di’ak.
Iha fatin hanesan Administrador Munisipiu Vikeke, Jose Andrade husu ba MAP atu perpara bee nune’e bainhira udan la tau karik komunidade sira bele utiliza hodi rega aioan, tanba fatin refere susar ba bee.
