Segunda, 17 Juñu 2019 | Login
Primeiru Ministru Rui Maria de Araujo Primeiru Ministru Rui Maria de Araujo Foto Independente.

Governu Agradese Ba PR Taur Promulga OJE 2017

DILI: Primeiru Ministru Rui Maria de Araújo, hato’o agradese ba Prezidente Repúblika (PR) Taur Matan Ruak, tanba komprende governu nia pozisaun hodi promulga Orsamentu Jeral Estadu (OJE) ba tinan 2017 nian.

“Ohin ha’u mai informa ezekusaun orsamentu ba tinan 2016 nian, depois aproveita mos agradese ba prezidente tanba promulga ona OJE ba tinan 2017 nian,” dehan PM Rui ba jornalista sira hafoin enkontru ho PR Taur iha Palasiu Aitarak Laran-Dili  foin lalais ne’e.

Rui dehan, prezidente mós rezervas no iha buat balu kona ba kestaun edukasaun no mega projetu, maibé PRbele komprende governu nia pozisaun hodi bele promulga ona OJE 2017 nian.

“Husi 1.9 milloens ne’e ejekusaun to’o ona %86,4 tanba ne’e maka ohin loron 29 ne’ebé orsamentu sei taka iha loron 31, depois tuir lei ezekusaun orsamentu ninian ne’e sei iha semana ida iha fulan Jeneiru nia laran para atu halo kooperasaun kontabilidade ne’ebé osan sira ne’ebé gasa kontabilista sira sei hare hotu,” dehan nia.

Entertantu tinan 2017 Governu sei tau prioridade tuir apresentasaun orsamentu ne’e maka iha hanesan enfrastrutura edukasaun saude agrikultura ne’e sei nafatin, no klaru sei dazenvolve di’ak liután kapasidade para ejekuta osan ne’e di’ak.

“La’ós entermus montante no orsamentu hira maka ita gasta maibé kualidade husi rezultadu ne’e inportante tebes tanba ne’e governu sei tau preoridade,” hatenik nia.

Nia dehan, sei buka ko’a despesas ne’ebé la presisa tanba bainhira governu hahú hatete ona, iha tinan 2015 mai to’o agora konsege kúa duni despeza balun maibé sei iha buat lubuk ida maka sei presiza atu halo tan.

“Tanba ne’e ba tinan 2017 governu mantein nafatin orsamentu ne’e ho kualidade no buka hases despesas sira ne’ebé la presiza,” tenik nia.

Xefe Governu garante katak, 90 pursentu husi orsamentu ne’ebé planeia husi inisiu to’o orsamentu ratifikativu ne’ebé lao.

PM Rui informa kona ba preparasaun seguransa ho defeza sira nia serbisu hamutuk atu antisipa iha selebrasaun loron natal no tinan foun nian, no mos durante ba tinan 2017 nian.

Read 514 times Last modified on Sábadu, 21 Janeiru 2017 16:31
Rate this item
(0 votes)