Domingu, 08 Dezembru 2019 | Login
Emprezariu “Sai Kiak”, Edifisiu Foun KFP Abandona

Emprezariu “Sai Kiak”, Edifisiu Foun KFP Abandona

DILI: Edifisiu foun Komisaun Funsaun Públiku (KFP) too oras ne’e labele kontinua halo ninia kontrusaun, tanba empreza ida ne’ebé implementa obras ne’e “sai kiak” tanba problema krize finanseiru. 

Obra ba prozetu ne’e halo hahú iha tinan 2010 liu ba too agora kondisaun fiziku hosi uma ho modelu andar rua ne’e udan been tun morus tama estraga uma laran. 

Primeiru Ministru Rui Maria de Araújo hatete, edefisiu barak ne’ebé  governu halo gasta osan barak, maibé ikus mai seidauk finaliza, tanba problema kapasidade teknika ho kapasidade finaseira maka halo empreza sira abandona.

“Ita nia problema ne’ebé  emprezariu sira hasoru bainhira  kaer obra ka defisiu boot sira ikus mai soe hela de’it iha dalan klaran tanba  iha problema rua sira hasoru problema kapsidade teknika ho kapasidade finanseira,”dehan PM ba jornalista sira hafoin halo vizita traballo ba iha Autoridade Inspesaun Fiskalijasaun Aktividade Sanitaria no Alimentar (AIFAESA) Matadoru. 

Nia dehan, governu rasik haree katak, setór privadu barak halo projetu la ho kualidade no tanba prolema finanseiru material.

Rui dehan, nia rasik sei koordena ho Ajensia Dezenvolvimentu Nasional (ADN) atu haree ba problema ne’e.

Rui dehan, governu  iha ona distribuisaun ba tarefa ,iha buat ne’ebé bolu dehan fundu infra-estrutura, fundu infra-estrutura nia laran  ne’e bolu Konseilhu Administrasaun ne’ebé diriji implementasaun fundu imfraestrutura no konseilho administrasaun ne’e se maka prejidi ne’e Ministru Planeamentu Estratejiku (MPIE) Xanana Gusmáo maka sei kontinua akompana nafatin prosesu ba edefisiu KFP nian.

“Prosesu ba KFP ne’e oras dadaun iha ona empreja foun balun maka kontinua kaer fali obra refere to’o remata,” dehan PM.

Nia dehan, bainhira problema balun  mosu governo persija hadia ,maibé iha kazu ida ba edefisiu KFP nian ne’e tanba empreja ne’ebé antes ne’e kaer hela obra nia hetan difikuldade finanseira hodi bele kontinua, tanba ne’e maka dadaun ne’e Konseilho Adminstrasaun Fundu Imfraestrutura (KAFI) haree hela oinsá atu rezolve problemaba edefisiu KFP nian.

Read 616 times Last modified on Sábadu, 21 Janeiru 2017 01:10
Rate this item
(0 votes)