×

Atenção

JUser: :_load: Não foi possível carregar usuário com ID: 422

MS Koopera Ho Média Fahe Informasaun

By Fevereiru 08, 2017 1704
Edifisiu Ministeriu Saude Edifisiu Ministeriu Saude

DILI: Ministériu Saúde (MS) konvida média hodi fahe informasaun ba iha komunidade tanba oras nee dadaun, Ministériu rasik iha programa ida atu fahe aimoruk ba  komunidade sira iha sidade.

Xefe Departamentu moras hadaet Ministeriu Saúde Merita Monteiro esplika, objektivu reuniaun ne’e konvida jornalista sira hodi habelar informasaun atividade Ministeriu Saúde nian ba iha komunidade tanba agora dadauk Mass Drug Administration (MDA)  komesa atu lao ona.

MS  konvida media apar ho lalaok programa MDA nian atu nune’e informasaun ne’ebé espalla ba iha komunidade sira bele kompriende.

Vantazen diak ba média maka tenke apar ho programa MDA, tanba MS nia objektivu média sira tenke hatene programa ne’e, no media maka habelar atividade MS nian  ba komunidade atu nunee sira  labele tauk ou konfuzaun bainhira  pesoal saude sira fahe aimoruk. Dehan Merita Monteiro ba INDENPENDENTE iha Hotel Timor Tersa (07/02).

Iha fatin hanesan, Diretór Nasionál Saúde Públiku MS Pedro Canizio da Costa Amaral dehan, ekontru ne’e  MS ho Media halo kooperasaun diak hodi  desimina  informasaun  ba komunidade  no fiar katak media  sai hanesan fatór importante atu hato’o informasaun diak ba komunidade.

Programa fahe aimoruk iha faze primeiru ne’e, pesoal saude hahu ona iha 2015 ema  hamutuk 677 mill maka asesu.

Agora atu tama ba faze daruak, tuir istimasaun ne’e foka liu ba labarik ne’ebe tinan rua ba leten tenke simu aimoruk  lumbriga, maibé ema ne’ebe moras kankru, inan isin rua no labarik ne’ebe moras seluk labele fó aimoruk.

Entretantu, kona ba moras aim-potis ne’e afeita iha munisipiu lima (5) hanesan, Manatuto ho nia numeru 73 kazu, Dili 12, Baucau 10, Viqueque 8 no munisipiu Covalima 7.

Husi númeru ne’e laiha ema ida maka mate.

Rate this item
(0 votes)
Last modified on Kuarta, 08 Fevereiru 2017 10:36

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31