Segundo Komandante PNTL Munisipiu Dili, Superintendente Asistente Euclides Belo informa, ema na’in rua ne’e hala’o asaun iha tuku 21:00 iha Otel ida iha area Lesidere hodi foti osan hamutuk $600.

Hafoin halo asaun, parte Otel haree gravasaun CCTV no haree hetan ema na’in rua halo asaun no sira hato’o kedan keixa ba PNTL.

“Suspitu na’in rua ne’e Polisia kaer iha kalan ne’e kedas iha Kristo Rei bainhira alegria hela hemu tua,” informa Euclides iha Komando PNTL Dili, Segunda (24/04).

Daudauk ne’e, nia dehan, suspeitu na’in rua ne’e iha hela prizaun hodi hein interogatoriu dahuluk iha Tribunal.