Administradór Postu Administrativu Maubara, Domingos Alves Correia dehan, foho lolon monu ba estrada laran ne’e, hafoin udan boot ne’e, nune’e transporte labele asesu ba estrada.

Iha pasajeiru balun hein iha fatin ne’e dezde Kuarta (14/3), kalan, tanba labele hakat liu Estrada ne’e.

Maski nune’e, iha dadeer ne’e governu lokál halo kontakta ba Ministériu Obras Publika (MOP) hodi bele rezolve problema ne’e hodi fasilita lalais movimentu transporte iha área ne’e.

Observasaun jornalista diáriu ne’e iha terrenu, iha área Maubara nian estrada laran nakonu ho tahu nurak no bee. Aat liután, lolon mós monu hodi taka tomak estrada, nune’e transporte ligasaun munisípiu rua ne’e tenke paradu totál.