Items filtered by date: Kuarta, 17 Setembru 2025

DILI: Liu husi asaun manifestasaun ne’ebé halo husi Estudante Universitariu Timor-Leste, durante loron tolu hahú iha loton 15 to’o loron 17 fulan-setembru tinan ne’e, maka iha loron kuarta ohin, nu'udar loron istóriku ba povu no juventude Timor-Leste tanba konsege asina akordu ida ho Bankada Parlamentar atu revoga lei pensaun mensal vitalisia, alterasaun ba lei liberdade reuniaun no mós manifestasaun nian hafoin halo diskusaun kuaze oras tolu nia laran.

DILI: Mate Restu 12 Novembru husu ba deputadu sira nu'udar reprezentante povu iha uma-fukun Parlamentu Nasional tenke hala’o sira nia funsaun ho di’ak.

DILI: Ezizensia sira husi Estudante Universitariu Timor-Leste durante manifestasaun maka husu ba Parlamentu Nasional atu halakon lei pensaun mensal vitalisia, hapara sosa kareta foun ba deputadu sira, altera lei manifestasaun no mós redus osan viajen ba estranjeiru hodi aloka ba setór produtivu sira.

DILI: Portavós Estudante Universitariu Timor-Leste na’in lima hamutuk ho estudante na’in rua, akompañia husi Segundu Komandante Jerál Polisia Nasional Timor-Leste, Komisáriu Polisia Pedro Belo, hasoru malu ho Deputadu sira iha Parlamentu Nasional hodi hala’o diálogo, hodi solusiona ezizensia manifestante sira nian, kona ba halakon lei pensaun vitalisia no mós lei manifestasaun.

DILI: Asaun manifestasaun husi Estudante Universitariu Timor-Leste hamutuk ho sosiadade sivil no sidadaun balun konsege obriga bankada tolu iha Parlamentu Nasionál hodi kansela sosa karreta 65 ba deputadu. Maske nune’e, asuntu Lei Pensaun Vitalisia ne’ebé mós sai ezijensia seidauk klaru.