Tuir akordu ne’ebé iha, EUTL kompromete atu hapara temporariamente manifestasaun sira hodi hein diskusaun ba halakon lei pensaun mensal vitalisia no mós halo alterasaun ba lei liberdade reuniaun no mós manifestasaun nian.
Nune’e, bankada parlamentár sira husi CNRT, FRETILIN, PD, KHUNTO, no PLP, fó sai rezultadu enkontru ne’ebé akontese iha sala Konferensia Parlamentu Nasional, kuarta ne’e (17/09), hamutuk ho porta-voz sira husi manifestante sira hotu ne’ebé reprezenta asosiasaun estudante universitáriu sira hotu, kompromete atu dezenvolve no promove inisiativa lejizlativa sira atu,
a). Halakon pensaun mensál vitalísia, hodi revoga no modifika lejislasaun relevante, ho diskusaun iha Asembleia Jerál hahú iha loron 25 fulan-setembru tinan 2025,
- b) Halo revizaun ba lei kona-ba liberdade reuniaun no manifestasaun nian,
- c) Durante debate kona-ba Orsamentu Jerál Estadu, envolve iha diskusaun sériu ho Governu, atu garante finansiamentu adekuadu ba setór produtivu sira.
Enkuantu, Nu’udar rezultadu husi kompromisu ne’ebé temi ona ka deskreve iha leten, maka EUTL kompromete atu hapara temporariamente manifestasaun sira.
