Nia hateten, prezidente republika nia knaar define ona iha Konstituisaun RDTL,  Prezidente mak aman ba nasaun, atu bele garante estabalidade no kria ambiente ne'ebe seguru ba nasaun no povu.  

Klaru, prezidente republika laiha kbiit hanesan ezekutivu ba programa sira, maibe iha poder propriu ne'ebe hetan liuhusi povu nian votu.

"Bainhira poder ne'ebe povu fo mai ne’ebé sei uza influensia ho ezekutivu sira hodi halo programa ne'ebe responde ba povu nia hakarak no nesiadade bazika sira", dehan nia, iha Suku Cassa, Postu Adminitrativu Ainaru-Vila, Munisipiu Ainaru, Tersa (8/3).  

Nia dehan, kandidata aan ba Presidente Republika la'os tanba naran ida prezidente ne'e, maibe hakarak atu husu poder ka konfiansa husi povu, atu bele utiliza hodi halo mudansa ba rai ida ne'e no bele hapara povu nia terus.

Nia dehan, vizaun ne'ebe hapara povu nia terus no matan-been ne'e hatutan husi Proklamador RDTL, Fransisco Xavier do Amaral. Bainhira sei moris husu ba governu atu hamaran povu nia matan-been. Tanba povu maioria sei moris iha terus nia laran.

"Ita haree didi’ak durante ukun aan tinan 20 ona povu itoan de'it mak hetan benefisiu ba moris husi estadu, ita povu ain-tanan barak mak sei moris ida situasaun ne'ebe la dignu, moris iha kiak no mukit nia-laran", tenik Constâncio.

Nia hatutan, iha Timor-Leste, iha rikeza ne'ebe iha maibe povu kontinua moris iha ki’ak laran, nune'e atu bele rezolve problema povu nian, tenke fahe rikeza Timor nian ba povu sira, tanba povu mos iha direitu.

Nia relata, povu tenke hili Prezidente Republika ne'ebe defende interese povu nian ho laran, labele hili Prezidente ne'ebe atu hetan de'it naran no titulu hanesan Prezidente Republika.

Tanba ne'e, durante nia mandatu sai prezidente republika sei investe iha rekursu umanu, tanba problema iha munisipiu la'os de'it edukasaun, saude, agrikultura, maibe buat barak.

Nia hatutan, sai prezidente republika sei halo advokasia ba politika desentralizasaun administrativa no finanseira kada munisipiu, tenke hadia nia osamentu rasik hodi bele responde imeidiatu ba povu nia moris iha kada munisipiu.

Nia haktuir, laiha tan razaun Timor-Leste ne'e kiak liu iha mundu, tanba iha Timor-Leste rai ne'ebe iha rikeza, tanba problema mak halo jestaun di'ak ba osamentu.

Kandidatu sorteiu 11, Promete sei Halibur Lider Historiku sira iha TL

Kandidatu Prezidente Republika Independente ho numeru sorteiu 11 Constancio Pinto "Terus" baihira eleitu sai prezidente republika promete katak, sei halibur flla-fali lider historiku sira iha Timor Leste.

Tuir Kandidatu Prezidente Republika, Constancio Pinto hateten, razaun buka halibur Lider historiku sira, tanba sai aman di'ak ba nasaun no ba povu Timor-Leste.

"Ne’ebé hanoin lider historiku sira ne'e importante tebes atu sira hamutuk fila-fali, bainhira sira hamutuk ita nia nasaun ne'e sai forte liu tan, tanba mundo bele respeita liu tan, no povu sei konfian bo'ot liu tan", dehan nia iha kampaña eleitoral ba dala walu, iha suku Cassa Postu Adminitrativu Ainaru vila Munisipiu ainaru, Tersa (8/3)

Nia hatutan, bainhira sai prezidente republika iha oportunidade atu buka oinsa halo Reuni fila-fali ho Lider historiku sira hodi hamutuk fila-fali atu Haluha tiha  problema sira tau tiha  ba kotuk hodi sai aman ne'ebe mak di'ak ba nasaun.

Aliende  iha kampaña eleitoral dahuluk iha munisipiu Aileu no manatutu, baucau kansela tanba problema natureza nune'e kontinua iha Lautem, Viqueque manufahi, ainaru, Kandidatu ne'e kampana ho programa prinsipa hanesan, Edukasaun, saude, Infrastrutura, agrikultor no seluk tan.

Nune'e iha kampana dauhuluk Kandidatu ne'e husu atu Lider historiku sira hanesan, Kay Rala Xanana Gusmao, mari alkateri Lo-ulo, Taur matan ruak no seluk tan atu hamutuk hodi dezemvolvimentu rai ne'e ba oin.

Movimentu Potensial Ermera Apoia Constancio

Movimentu Potensial Ermera (MEPE) Deklara Fo Apoiu votus ba Kandidatu Prezidente Republika Independente Constancio Pinto ho numeru sorteiu 11 iha Eleisaun Prezidensial ne'ebe realiza iha Loron 19 Fulan marsu tinan ne'e.

Tuir Portavos Movimentu Potensial Ermera, Fredio Fatima Soares, hateten, nu'udar foinsa'e ne'ebe halibur aan iha movimentu ne'e sei la husik le'et oportunidade hodi akompana prosesu politika Dezemvolvimentu ne'ebe la'o durante restauransaun independensia tinan 20 nia laran.

Nia dehan, hafoin halo diskusaun no analiza klean ba perfil Kandidatu PR Sorteiu 11 hare husi kapital  Istoria luta nian, nune'e kapasidade akademiku husi Kandidatu ne'e ho profisional no iha esperensia ba ukun no pensamentu ne'ebe mak luan.

"Ami foinsa'é movimentu potensial ermera deklara apoiu Kandidatu Prezidente Republica Independente ho  numeru sorteiu 11 Constancio Pinto" Terus"  sei fo votus ba Kandidatu ne'e iha eleisaun Prezidensial 19 Marsu tinan ne'e", dehan nia liu husi konferensia Impreza iha edifisiu, Kandidatu nian, hudi laran,kuarta ne'e  (9/03)

Nia hatutan, hare'e ba Kandidatu numeru sorteiu 11, nu'udar jerasaun lutador ida Hahu husi baze no apoiu iha ailaran hanesan, klandestina iha vila laran no sai diplomasia iha diaspora.

Nia hateten, Kandidatu Prezidente Republika Constancio pinto nu'udar Embaixadór dahuluk Timor-Leste nian iha Estadu unidus amerika, tanba ne'e nia iha esperensia ukun no iha kapasidade intelektual no akademiku bele koalia Lian portugues, Inglesh, Tetun no Melayu.

"Kandidatu ne'e mos nu'udar jerasaun Proklamador RDTL nian no pesoal konfiansa Maun Boot Xanana Gusmao nian hodi lidera Frente Klandestina no reprezentante CNRM iha Frente Diplomasia", nia esplika.

"Ami promete sei servisu  maka'as hamutuk ho foinsa'e sira no inan-aman no eleitor sira hodi lori vitoria ba Kandidatu Prezidente Republika Constancio Pinto hodi sai prezidente republika  ba Periodo tinan lima nia laran", nia informa.

Enkuantu movimentu refere deklara opinaun politika balun mak iha Eleisaun Prezidensial tinan ne'e atu sai hanesan solusaun  ba situasaun krusial ne'ebe hahu krizi politika no impase politika  no mos bele resolve problema Pandemia Covid-19, atu nune'e bele implika dezenvimentu nasional iha Timor-Leste.

Nia Informa,  Foinsa'e sira iha 12 Munisipiu Inklui Regiaun Adminitrativu Especial Oe-kusse Ambeno (RAEOA) atu hamutuk hodi fo votus konfiansa ba kandidatura prezidente numeru sorteiu 11 iha Eleisaun Prezidensial  loron 19 fulan Marsu tinan ne'e.

Promete Halibur Lider Istoriku

Kandidatu Prezidente Republika, Constancio Pinto, baihira eleitu sai prezidente republika promete, sei halibur flla-fali lider istoriku sira iha Timor Leste.

Nia dehan, razaun buka halibur lider istoriku sira tanba sai aman di'ak ba nasaun no ba povu Timor-Leste.

"Lider istoriku sira ne'e importante tebes atu sira hamutuk fila-fali, bainhira sira hamutuk ita nia nasaun ne'e sai forte liután, tanba mundu bele respeita liután, no povu sei konfia boot liután", dehan nia.

Nia hatutan, bainhira sai prezidente republika iha oportunidade atu buka oinsa halo reune fila-fali ho lider istoriku sira hodi hamutuk fila-fali atu haluha problema sira tau ba kotuk hodi sai aman ne'ebe di'ak ba nasaun.

Movimentu Potensial Ermera Apoia Constancio

Movimentu Potensial Ermera, deklara fo apoiu votu ba kandidatu Prezidente Republika Constancio Pinto, iha eleisaun prezidensial.

Portavós movimentu, Fredio Fatima Soares hateten, nu'udar foin-sa'e ne'ebe halibur aan iha movimentu ne'e, sei la husik leet oportunidade hodi akompana prosesu politika dezemvolvimentu ne'ebe la'o durante restauransaun independensia tinan 20 nia laran.

Nia dehan, hafoin halo diskusaun no analiza klean ba perfil kandidatu Constâncio, haree husi kapital estoria luta nian, nune'e kapasidade akademiku husi kandidatu ne'e ho profisional no iha esperensia ba ukun no pensamentu ne'ebe luan.

"Ami foinsa'é movimentu potensial ermera deklara apoiu Kandidatu Prezidente Republika Independente ho numeru sorteiu 11, Constancio Pinto" Terus". Sei fó votu ba kandidatu ne'e iha eleisaun Prezidensial ", dehan nia, iha Hudi-Laran, Dili, horisehik.

Nia hatutan, haree ba kandidatu ne’e nu'udar jerasaun lutador ida hahú husi baze no apoiu iha ai-laran hanesan, klandestina iha vila laran no sai diplomasia iha diaspora.

Nia hateten, Kandidatu Prezidente Republika Constancio pinto nu'udar Embaixadór dahuluk Timor-Leste nian iha Estadu Unidus Amerika, tanba ne'e nia iha esperensia ukun no iha kapasidade intelektual no akademiku bele koalia Lian portugues, inglesh, tetun no malaiu.

Envolve Labarik

Diretor CNE Munsipiu Ainaru, Feliciano da costa dos Santos hateten, durante kampana eleitoral husi kandidatu sira iha Munisipiu Ainaru, CNE rasik observaiha envolve ho labarik sira, tanba iha inan-aman sira mai lori hotu ho labarik.

Nia dehan, kandidatu ne'ebe envolve labarik iha kampana ne'e labele fo sai indentidade.

Iha ambitu kampana sira husi parte CNE fo hanoin mos ba inan aman sira atu evita labele lori labarik mai partisipa tuir kampana.

Iha parte seluk, Diretór CNE Munisipiu Manufahi, Domingas de Jesus hateten, observasaun CNE rasik ba kandidatu Constâncio, halo kampana eleitoral iha postu Adminitrativu Turiscai Munisipiu Manufahi la tuir orariu kampana nian.